UEFA veçon ngjarjet kryesore të mbrëmjes: Kosova me pikën e parë në kualifikimet për Evropian

Kosova ka nisur fazën e eliminatorëve të evropianit me barazim 1:1 kundër Bullgarisë.

Këta të fundit realizuan golin e parë në takim përmes Vasil Bozhikov gjersa barazoi gjithçka Arber Zeneli.

Për pikën e parë të fituar të përfaqësueses sonë ka shkruar edhe Federata Evropiane e Futbollit (UEFA) përmes llogarisë zyrtare në Twitter.

Në fakt, në mesazhin në rrjetet sociale, ajo ka përmbledhur sukseset e kësaj xhiroje, ku ka përmendur se Kosova ka marrë pikën e parë në histori në kualifikimet për Euro.

“Franca, Anglia dhe Turqia fitojnë, Portugalia e Serbia barazojnë, Kosova merr pikën e parë në kualifikimet për Euro”, shkruan UEFA në Twitter.

“Kosova siguroi një pikë në debutimin e kualifikimit të EURO, por ka të ngjarë se i kanë takuar të tri pikët pas përfundimit të lojës. Mihaylov bëri një sasi të konsiderueshme të mbrojtjeve për Bullgarinë – të cilët nuk ishin në gjendje të mbanin kryesimin e tyre të parë – pasi pala vendase regjistroi ndeshjen e 12-të radhazi pa humbje. Ky rezultat e lë Bullgarinë në vendin e dytë në Grupin A, pavarësisht dy ndeshjet e tyre deri më tani. Tëp besuarit e Houbtchev kanë katër pikë më pak se lideri, Anglia dhe ka luajtur një ndeshje më shumë se Kosova dhe Republika Çeke”, shkruan në ueb-faqen e UEFA-s.

Lexo po ashtu Gjithçka që ndodhi në sfidën Kosovë - Bullgari, në debutimin e Përfaqësueses sonë në kualifikimet për 'Euro 2020'

Pas kësaj, Kosova zë pozitën e tretë të renditjes tabelore të grupit A, ku lider është Anglia me gjashtë pikë ndërsa Bullgaria është e dyta me dy pikë. /Telegrafi/

🚨 RESULTS 🚨

Performance of the night? 🤔

👏 France, England & Turkey cruise to victory
✅ Portugal and Serbia play out draw
👉 Kosovo get first-ever EURO qualifying point#EURO2020 pic.twitter.com/kUY909gh4V

— UEFA EURO 2024 (@EURO2024) March 25, 2019