UEFA prezantoi çerekfinalet në Ligën e Kombeve – ndryshon kualifikimi për Kampionat Evropian dhe Kupën e Botës

Në mbledhjen e sotme të Komitetit Ekzekutiv në Nyon, Federata Evropiane e Futbollit (UEFA) prezantoi ndryshimet në sistemin e garave të Ligës së Kombeve që do të hyjnë në fuqi në shtator të vitit 2024.

Liga e Kombeve do të zgjerohet me një raund eliminator që do të luhet në mars, duke krijuar vazhdimësi ndërmjet fazës së grupeve që përfundon në nëntor dhe turneut final që luhet në qershor.

Sipas formatit aktual të Ligës së Kombeve, fituesit e grupeve të klasës elitare të Ligës A fitojnë një vend në Final Four. Kështu, Kroacia, e cila ishte më e mira në grupin 1, fitoi turneun final ku do të luajë në gjysmëfinale me Holandën më 14 qershor, ndërsa në gjysmëfinalen e dytë luhet një ditë më vonë do të takohen Italia dhe Spanja.

The 2023 #NationsLeague Finals!

🇳🇱🇭🇷🇪🇸🇮🇹 Who will go all the way? pic.twitter.com/K53XCIVHx4

— UEFA EURO 2024 (@EURO2024) January 25, 2023

Finalja dhe ndeshja për vendin e 3-të janë më 18 qershor.

UEFA prezanton çerekfinalet e Ligës së Kombeve

Megjithatë, nga edicioni i ardhshëm i Ligës së Kombeve 2024/25 prezantohen çerekfinalet, në të cilat fituesit dhe nënkampionët nga grupet e Ligës A do të luajnë me njëri-tjetrin në shtëpi dhe jashtë në muajin mars dhe fituesit e këtyre ndeshjeve do të kualifikohen në Final Four.

Ndryshim ka pasur edhe në ligat e ulëta. Si pjesë e ndryshimit të formatit, do të prezantohet një playoff për promovim/rënie, ku skuadrat e renditura të tretë të Ligës A do të luajnë kundër ekipeve të renditura të dytë të Ligës B dhe skuadrat e renditura të tretë të Ligës B kundër vendit të dytë me ekipet nga Liga C. Ndeshjet do të luhen në shtëpi dhe jashtë, ku fituesit shkojnë në ligën më të lartë dhe humbësit në ligën e ulët.

🆕 The #UEFAExCo has today approved new formats for UEFA men’s national team competitions coming into effect in September 2024.

⚽ It means more compelling UEFA #NationsLeague and European Qualifiers to boost excitement without increasing the number of matches.

More: ⬇️

— UEFA (@UEFA) January 25, 2023

E njëjta gjë mbetet në Ligat B, C dhe D, ku fituesit e grupeve avancojnë, ndërsa skuadrat e fundit nga grupet A, B dhe C bien nga kategoria. Meqenëse Liga C ka katër grupe, ndërsa Liga D ka vetëm dy, dy skuadrat e renditura më të ulëta në Ligën C do të bien automatikisht.

“Futja e Ligës së Kombeve të UEFA-s ishte një histori suksesi, sepse ndeshjet miqësore u zëvendësuan me ndeshje konkurruese. Dhe tani, me futjen e fazës së re eliminatore, skuadrat do të kenë edhe më shumë mundësi për të përparuar duke ruajtur të njëjtin numër ndeshjesh brenda kalendarit të ndeshjeve ndërkombëtare”,  ka thënë presidenti i UEFA-s, Aleksander Ceferin.

Ndryshime në kualifikimet për Euro

Ndryshime ka pasur edhe në formatin e kualifikimeve dhe kualifikueset evropiane për Botëror. Sipas rregullave të reja do të hidhen 12 grupe me nga katër apo pesë kombëtare.

Fituesit e grupeve do të kualifikohen drejtpërdrejt në Kampionatin Evropian ose Kupën e Botës, ndërsa nënkampionët ose do të kualifikohen drejtpërdrejt ose do të marrin pjesë në ndeshjet e play-off-it (së bashku me ekipet e Ligës së Kombeve për kualifikimin në Euro).

Formati i ri do të zbatohet pas Euro 2024.

🇬🇷 The #UEFAExCo decided to relocate the 2023 UEFA #SuperCup from Kazan, Russia, to Athens, Greece.

⚽ The game will be played at the Georgios Karaiskakis Stadium in the Greek capital on Wednesday 16 August at 21:00 CET: ⬇️

— UEFA (@UEFA) January 25, 2023

Shtojmë gjithashtu se UEFA i ka hequr Kazanit rus organizimin e Superkupës së Europës në vitin 2023. Në vend të Rusisë do të luhet në Athinë në stadiumin Georgios Karaiskakis të mërkurën, më 16 gusht./Telegrafi/