U kap nga kamerat duke i thënë trajnerit të ketë kujdes pas zëvendësimit, Ronaldo thyen heshtjen dhe tregon të vërtetën

Portugalia ka humbur ndeshjen e tretë në fazën e grupeve, por ka arritur të kaloj tutje në 1/8 e finales në Kupën e Botës.

Portugezët u mposhtën 2-1 nga Korea e Jugut, në një ndeshje që nuk shkoi mirë për Cristiano Ronaldon, pasi asistoi gabimisht te kundërshtari dhe humbi një rast të artë shënimi.

Por në momentin e zëvendësimit në minutën e 65-të, mediat e ndryshme evropiane raportuan se Ronaldo kishte një porosi për trajnerin Fernando Santos.

¿Vestidor roto o simple confusión? Existe un audio que deja en evidencia supuesto enfado de Cristiano Ronaldo contra Fernando Santos 💢🇵🇹#FIFAWorldCup | #Qatar2022 https://t.co/iGNfeEaBBd

— AS México (@ASMexico) December 3, 2022

“Ti gjithmonë nxiton tmerrësisht shumë për të më zëvendësuar, ki kujdes me mua”, raportuan mediat se Ronaldo i tha trajnerit para se të ulej në bankë.

Por vet portugezi ka mohuar se ka pasur përplasje me trajnerin e tij.

“Ajo që ndodhi ishte para zëvendësimit tim, lojtari i Koresë së Jugut më tha të largohesha shpejt. I thashë të mbyllte gojën se nuk e ka atë autoritet. Nuk ka pasur asnjë mosmarrëveshje me trajnerin”, tha Ronaldo për mediat portugeze.

Gjithsesi në rast se CR7 i ka thënë vërtetë ato fjalë trajnerit, atëherë vështirë se ylli portugez mund të luaj në 1/8 e finales në Kupën e Botës, pasi Fernando Santos njihet si trajner autoritativ. /Telegrafi/