U futën në histori të futbollit kosovar, por nuk ia dalin ndaj Legias – Drita eliminohet kokën lartë nga Liga e Evropës

Kampioni në fuqi i Kosovës, Drita është eliminuar nga Liga e Evropës, pasi pësoi humbje në udhëtim te Legia 2-0.

Drita e nisi mjaftë mirë takimin, duke krijuar disa gjysmëraste dhe duke luajtur si e barabartë me klubin polak.

Megjithatë u desh të pritej minuta e 24-të për ta parë golin e parë në këtë sfidë, kur shënuan vendasit.

Një harkim nga e majta bëri që Wszolek të realizoi për 1-0, pas një gabimi nga mbrojtësi i majtë Ilir Blakqori.

Drita tentoi të rikthehet në lojë duke tentuar t’i organizonte disa aksione, por mbrojtja e vendasve ishte shumë lartë e vendosur.

Kur pritej që pjesa e parë të përfundonte, Legia shënoi edhe golin e dytë.

Ishte sulmuesi Pekhart që realizoi me kokë për 2-0 pas asistimit nga këndi.

Me epërsinë e vendasve 2-0 përfunduan 45 minutat e para të kësaj sfide.

Drita luajti shumë më mirë në pjesën e dytë, duke krijuar disa raste të mira, por që nuk ia arritën të realizonin.

Rastin më të mirë për të shënuar e pati Festim Alidema në minutën e 90-të, por goditja e tij u prit nga portieri Artur Boruc.

Gjithsesi ishte një paraqitje mjaftë e mirë e Dritës, e cila largohet kokën lartë nga garat evropiane.

Kampioni i Kosovës arriti të shkruante histori të futbollit kosovar, pasi u bë skuadra e parë që merr pjesë në raundin e tretë të Ligës së Evropës. /Telegrafi/

https://twitter.com/GiorgiJavoiani/status/1309222899115589634