Turqia ndalon akademikët të udhëtojnë jashtë shtetit

Turqia ka ndaluar përkohësisht të gjithë akademikët që të udhëtojnë jashtë shtetit.

Lëvizja e dështuar që ndodhi gjatë javës së kaluar për grusht shtet, tani po rezulton me një spastrim të gjerë të punonjësve të shtetit.

Më shumë se 50.000 njerëz janë grumbulluar për t’u shkarkuar ose pezulluar, duke përfshirë rreth 21,000 mësues.

Presidenti Rexhep Tayyip Erdogan po kryeson mbledhjet e këshillit të tij të sigurisë kombëtare në kryeqytet në Ankara, ndërsa kjo është hera e parë që ai është kthyer në qytet pas tentativës për grusht-shtet.

Nick Thorpe i BBC-së në Ankara thotë se ky takim do të jetë shansi i parë i presidentit që nga përpjekja për grusht-shtet, që të ulet dhe të flas personalisht me të gjithë anëtarët kryesorë të forcave qeveritare dhe atyre të armatosura., transmeton KosovaPress.

Deri më tani rreth 1577 dekan të universiteteve ( kokat e fakulteteve) u është kërkuar të japin dorëheqje, duke përfshirë edhe 21.000 mësues dhe 15.000 zyrtarë të ministrisë së arsimit.

U është thënë edhe universiteteve që akademikët të cilët tashmë janë jashtë vendit me punë ose studime duhet të kthehen në shtëpi ” sa më shpejt që të jetë e mundur”.

Një zyrtar i qeverisë tha për agjencinë e lajmeve Reuters, se ndalimi i akademikëve që të udhëtojnë jashtë vendit ishte një masë e përkohshme, për të ndaluar komplotistët e dyshuar të grushtit të shtetit nga universitetet të largohen jashtë vendit.