Turqia arreston kontraktorët e ndërtimit, lëshohen më shumë se 100 urdhër-arreste ndërsa numri i të vdekurve nga tërmeti vazhdo të rritet

Autoritetet turke kanë lëshuar më shumë se 100 urdhër-arreste për ndërtesat e shembura, mes paralajmërimeve se numri i të vdekurve nga tërmeti që goditi pjesë të Turqisë dhe Sirisë mund të dyfishohet nga numri aktual prej 33,000.

Siç vë në pah The Guardian, media shtetërore raportoi se të paktën 12 persona ishin në paraburgim, duke përfshirë kontraktorë, arkitektë dhe inxhinierë të lidhur me disa prej dhjetëra mijëra ndërtesave të shkatërruara ose të dëmtuara rëndë në tërmetet e së hënës me magnitudë 7.8 dhe 7.6 ballë.

Situata në Sirinë veriperëndimore të goditur, tashmë e shkatërruar nga më shumë se një dekadë e luftës civile dhe ku ndihma ndërkombëtare ka qenë e ngadaltë për të arritur, po bëhet gjithnjë e më e dëshpëruar, kanë thënë Kombet e Bashkuara.

Lexo po ashtu Iu shemb ndërtesa 12-katëshe në Hatay, arrestohet ndërtuesi turk që donte të ikte në Mal të Zi

Dhe ndërsa zemërimi publik vazhdoi të rritet në Turqi në shkallën e shkatërrimit dhe ritmin e përpjekjeve të shpëtimit, arrestimet ka të ngjarë të shihen si një përpjekje e presidentit, Recep Tayyip Erdogan, i cili përballet me zgjedhje të vështira në maj, për të shmangur fajin.

Zëvendëspresidenti i Turqisë, Fuat Oktay, tha herët të dielën se autoritetet kishin identifikuar deri më tani 131 persona të dyshuar si përgjegjës për shembjen e disa prej mijëra ndërtesave të rrafshuara dhe se urdhrat e ndalimit ishin lëshuar për 113 prej tyre.

“Ne do ta ndjekim këtë çështje me përpikmëri deri në përfundimin e procesit të nevojshëm gjyqësor, veçanërisht për ndërtesat që pësuan dëmtime të mëdha dhe shkaktuan vdekje dhe lëndime”, citohet të ketë thënë Oktay, përcjell Telegrafi.

Njësitë speciale të hetimit janë ngritur në 10 provincat e prekura.

Ndërkohë ministri i mjedisit, Murat Kurum, tha se bazuar në një vlerësim fillestar të më shumë se 170,000 ndërtesave, 24,921 në të gjithë rajonin janë shembur ose janë dëmtuar rëndë nga tërmeti.

Udhëheqësit e opozitës kanë akuzuar prej kohësh qeverinë e Erdoganit për moszbatimin e rregulloreve të ndërtimit të vendosura pas tërmetit të Izmit të vitit 1999 për të siguruar që blloqet e apartamenteve dhe zyrat të ishin më rezistente ndaj tërmeteve.

Presidenti ka akuzuar kritikët e tij se gënjejnë dhe në komentet e deritanishme duke thënë se katastrofa të tilla “kanë ndodhur gjithmonë”. Ai është zotuar të fillojë rindërtimin brenda javësh.

Lexo po ashtu Qyteti turk Antakya është shkatërruar plotësisht, nuk ka ndërtesë që pothuajse nuk është shkatërruar

Një nga të arrestuarit, Mehmet Yasar Coskun, një kontraktor që ndërtoi një kompleks banimi 12-katësh në Antakia, i cili u shemb nga tërmetet, u kap në aeroportin e Stambollit ndërsa ishte gati të hipte në një aeroplan për në Mal të Zi.

Blloku i banimit, i cili përmbante 249 apartamente, përfundoi vetëm një dekadë më parë.

Coskun u tha prokurorëve se nuk e dinte pse ishte shembur.

“Ne kemi përmbushur të gjitha procedurat e përcaktuara në legjislacion”, ka thënë ai për agjencinë shtetërore të lajmeve, Anadolu. /Telegrafi/