Turqia arreston 189 persona që dyshohen se kanë lidhje me Shtetin Islamik

Policia turke arrestoi të shtunën 189 persona të dyshuar se i përkisnin grupit militant të Shtetit Islamik pas disa aksioneve në 37 qytete dhe provinca.

Ministri i Brendshëm turk, Ali Yerlikaya përmes rrjeteve sociale ka bërë të ditur se policia turke nuk “toleron asnjë terrorist”.

Një ditë më parë, Turqia tha se pengoi planet e Shtetit Islamik për të sulmuar kishat dhe sinagogat.

3️⃣7️⃣ İlde DEAŞ Terör Örgütüne yönelik eş zamanlı olarak düzenlenen “KAHRAMANLAR-38” Operasyonlarında 1️⃣8️⃣9️⃣ şahıs yakalandı❗

Aziz Milletimizin Bilmesini isterim ki;
Ülkemizin huzuru, birlik ve beraberliği için teröristlerin hiçbirine göz açtırmayacağız. Milletimizin duası,… pic.twitter.com/4hsQsI7zfc

— Ali Yerlikaya (@AliYerlikaya) December 30, 2023

Qytetet e bastisura përfshinin kryeqytetin, Ankaranë, si dhe qytetet e tjera si Stambolli, Antalia, Bursa, Dijarbakir, Gaziantep, Izmir dhe Konia.

Yerlikaya ndau imazhe të anëtarëve të dyshuar të IS-it të prangosur në apartamentet e tyre gjatë bastisjeve të realizuara.

Bastisjet vijnë pasi zyrtarët turq njoftuan arrestimin e 32 anëtarëve të dyshuar të Shtetit Islamik. Policia tha se ata dyshohet se ishin të përfshirë në planifikimin e një sulmi ndaj ambasadës irakiane.

Grupi militant Shteti Islamik mori përgjegjësinë në vitin 2017 për një sulm vdekjeprurës në një klub nate në Stamboll në natën e Vitit të Ri, i cili la 39 të vrarë. /Telegrafi/