Turki Alalshikh ka gjetur kundërshtarin e radhës për Daniel Dubois

Turki Alalshikh tani është një nga njerëzit më me ndikim në boks.

Njeriu pas sezonit të Riadit ka bërë disa nga betejat më të mëdha të mundshme, nga beteja e padiskutueshme e peshave të rënda midis Tyson Fury dhe Oleksandr Usyk te përballja e ardhshme e peshave të lehta ‘katër kurora’ më 12 tetor midis Artur Beterbiev dhe Dimitri Bivol.

Shfaqja e fundit e Alalshikh ishte ngjarja e parë e sezonit të Riadit me bazë në Mbretërinë e Bashkuar, duke mahnitur të gjithë në Wembleye, pasi Daniel Dubois shkatërroi Anthony Joshuan, për ta mbrojtur titullin IBF.

Kur foli për talkSPORT Boxing, promotori Eddie Hearn u pyet nëse kishte një klauzolë revanshi për luftën dhe shpjegoi situatën.

“Po ka. Klauzolat e revanshit vijnë në forma të ndryshme. Ne kemi kontrata të veçanta. Normalisht, ne do të kishim një kontratë me Frank Warren dhe Daniel Dubois. Në këtë rast, ne kemi një marrëveshje me “Sezoni i Riadit”, një luftë më shumë me ‘AJ’, dhe një nga opsionet tona është të luftojmë Daniel Dubois. Shkëlqesia e tij do të merret me Frank dhe Danielin dhe do ta bëjë këtë të ndodhë”, ka deklaruar promovuesi i Joshuas.

Hearn më pas konfirmoi se revanshi është gjithashtu ajo që Alalshikh dëshiron për të dy boksierët.

“Shkëlqesia e tij dëshiron të bëjë revanshin. ‘AJ’ do të dëshirojë gjithmonë revanshin sepse ai është një luftëtar, dhe Daniel Dubois është gjithashtu i gatshëm për revanshin, është lufta më e madhe për të, dhe ata do ta shijojnë atë”, ka shtuar më tej Hearn.

Nuk dihet se kur do të ndodhë pjesa e dytë, pasi Joshuas do t’i duhet kohë për t’u rikuperuar nga ajo që ishte një natë mavijosje në ring. /Telegrafi/