Trump thotë se TikTok-u është kërcënim për sigurinë kombëtare, e Facebook “armik i njerëzve”

Ish-presidenti Donald Trump tha se beson se TikTok është një kërcënim për sigurinë kombëtare, por se ai nuk mund të mbështeste Kongresin që të ndalonte aplikacionin, sepse një veprim i tillë do të rriste mbështetjen për Facebook, i cili është “armiku i njerëzve”.

I pyetur nëse beson se TikTok është një kërcënim për sigurinë kombëtare gjatë një interviste në “Squawk Box” të CNBC të hënën në mëngjes, Trump tha: “Unë e besoj këtë”, transmeton Telegrafi.

“Unë e besoj atë dhe duhet ta pranojmë shumë se po mbrojmë privatësinë dhe të drejtat e të dhënave të popullit amerikan”, tha ai.

Trump fillimisht kishte mbështetur përpjekjet për të ndaluar aplikacionin në SHBA, por së fundmi e ndryshoi mbështetjen e tij.

I pyetur se pse e ndryshoi mendimin, Trump tha se mund ta kishte ndaluar TikTok gjatë presidencës së tij, por ia la Kongresit ta bënte këtë.

“Por siç e dini, isha në pikën ku mund ta kisha arritur nëse do të doja. Duhet të kisha thënë, ju djema vendosni, ju merrni atë vendim sepse ka shumë njerëz që flasin që e duan atë”. tha ai.

“Ka shumë fëmijë të vegjël në TikTok që do të çmenden pa të. Ka shumë përdorues”, shtoi ish-presidenti amerikan

Trump më pas argumentoi se ndalimi i TikTok do të çonte në rritjen e Facebook, të cilin ai e quajti si “armik të popullit”.

“Ka shumë të mira dhe shumë të këqija me TikTok. Por gjëja që nuk më pëlqen është se pa TikTok, ju mund ta bëni Facebook-un më të madh dhe unë e konsideroj Facebook-un si armik të njerëzve së bashku me shumë media”, tha ai. /Telegrafi/