Truk i lirë për t’i eliminuar njollat nga mobiliet, madje edhe ato më të forta: Lehtë dhe pa pastrim të mundimshëm!

Patjetër duhet ta provoni, është shumë i thjeshtë

Ekziston një truk i thjeshtë, por mahnitës se si të pastroni mobiliet e punuara me mikrofibra dhe t’i ktheni në gjendjen fillestare!

Nuk ju janë të nevojshme mjete të shtrenjta për pastrim, as shumë kohë.

Mirëpo, për të pasur rezultate kulmore, veprimin është e nevojshme ta bëni dy herë, të parin me një pastrues, pastaj me pastruesin tjetër.

Përbërësit: Alkool, ujë i distiluar, sfungjer i pastër (preferohet i ri), një shishe me spërkatës, transmeton Telegrafi.

Para se të filloni pastrimin, mobiliet duhet mirë t’i pastroni me thithëse pluhuri. Në shishe me spërkatës qitni alkool dhe spërkatni pjesën e mobilieve. Merrni sfungjerin e pastër dhe fërkojeni njollën. Pjesa e parë është përfunduar!

Kur alkooli t’i ketë eliminuar njollat nga pijet, ushqimet, pluhuri dhe ndyrësitë, do të mbeten vetëm njolla uji.

Lani po këtë shishe dhe në të qitni ujë të distiluar. Sërish spërkatni mobiliet, fërkoni me leckë të thatë derisa të zhduken gjurmët e ujit.

Pjesët e mobilieve të cilat i keni pastruar mos i përdorni së paku dy orë, ndërkaq rezultatin fantastik do ta shihni vetëm atëherë – kur sërish të thahen. /Telegrafi/