Tre yjet që mund të largohen nga Chelsea që në janar

Chelsea e ka nisur mirë nën drejtimin e Maurizio Sarrit, ku aktualisht janë në vendin e tretë .

Dy humbje me Wolverhamptonin dhe Tottenhamin, janë të vetmet, por Chelsea  është i vetmi që e ka mundur Manchester Cityn në Ligën Premier.

Londinezët e kanë nisur mirë edhe në grupet e Ligës së Evropës.

Skuadra luan një stil sulmues dhe të rrjedhshëm të futbollit nën drejtimin e Sarrit.

Lojtarët si Eden Hazard dhe Willian ushqejnë futbollin sulmues, dhe po gjenden mirë te Chelsea.

Por janë tre lojtarë që nuk e kanë gjetur vetën te Chelsea dhe mund të duan të largohen që në janar.

Gary Cahill mund të jetë kapiten i skuadrës, por ai nuk po mund ta udhëheqë ekipin.

Me David Luiz, Antonio Rudiger, Andreas Christensen dhe Ethan Ampadu, ai mbetet rezervë.

I radhës është Moses, që e ka humbur vendin në ekip për shkak të ndryshimit në sistem.

Moses nuk po mund të konkurrojë me Willian apo Pedron.

Drinkwater është një lojtar i mirë, por ai nuk ka shanse të gjejë jë vend në këtë skuadër të Chelseat.

Mateo Kovacic, Ross Barkley, Ruben Loftus Cheek, Cesc Fabregas, Jorginho dhe Ngolo Kante është mesfusha e Chelseat.  /Telegrafi/