Trajneri i Lyon, Genesio: Ndombele mund të bëhet Pogba i ri i Juventusit

Trajneri i Lyon, Bruno Genesio, e ka pranuar se mund ta shohë Tanguy Ndombele te Juventusi si ‘Paul Pogba i ri’. 

Prej largimit të Pogbas në sytë e tifozëve të Juventusit ka mbetur zbraztësi,  ndërsa Ndombele mbetet i lidhur me Bianconerët në muajt e fundit .

“Ai është i fortë fizikisht dhe, mbi të gjitha, teknikisht”.

“Tanguy, me prekjen e tij të parë, mund të kalojë tre lojtarë dhe kur ai fillon të vrapojë, është e vështirë ta ndalosh atë”.

Lexo po ashtu Juventusi dhe Interi udhëheqin garën për Ndombelen

“Ai është i saktë në hapat që merr. Ai driblon mirë dhe është inteligjent. Nuk më pëlqejnë krahasimet, por Ndombele mund të jetë një Pogba i ri”.

“Tanguy mund të luajë kudo nëpër mesfushë. Ai gjithashtu ka filluar të shënojë edhe gola, por në të ardhmen pres që ai të përmirësohet në këtë drejtim”.

“Ai duhet të bëhet një mesfushor që shënon 8-10 gola në sezon. Tanguy do të bëhet një mesfushor i denjë për një klub të madh, kështu që nuk do të isha i befasuar ta shihja atë në Juventus në të ardhmen”, deklaroi Genesio.

Dyshja e mesfushës së Lyon, Ndombele dhe Anuar, kanë tërhequr vëmejndjen e shumë klubeve. /Telegrafi/