Trajanov: Urgjentisht të miratohen ndryshimet në kodin zgjedhor, RMV të jetë një njësi zgjedhore

Maqedonia duhet të jetë një njësi zgjedhore, si parakusht kyç për demokratizimin e shtetit dhe ndryshimet që do të garantojnë reforma rrënjësore, shtet ligjor, luftë kundër krimit dhe prosperitet të shtetit”, tha sot kryetari i Lidhjes Demokratik, Pavle Trajanov, në lidhje me ndryshimet në Kodin Zgjedhor.

Sipas tij, të rinjtë duan të jetojnë në një vend me vlera universale, që institucionet të funksionojnë, ligjet të zbatohen për të gjithë njëlloj, pa privilegj, pa korrupsion dhe shanse të barabarta për të gjithë, si parakushte të rëndësishme që ata të mos largohen Maqedonia.

Ndryshe, Projektligji për ndryshimin e Kodit Zgjedhor, i cili propozon që Maqedonia të jetë një njësi zgjedhore, është dorëzuar në Kuvend më 5 mars 2021 dhe është bllokuar nga LSDM dhe BDI për një kohë të gjatë.

Në diskutimin e komisionit deputetët e LSDM-së dhe BDI-së ishin kundër ndryshimeve, por në seancën plenare të mbajtur më 14 qershor 2023 votuan për. Ligji mori mbështetje edhe nga OBRM-PDUKM.

Sipas konkluzioneve, për projektligjin ka pasur debat publik, por nuk ka pasur komente, prandaj sipas Rregullores së Kuvendit duhet të fillojë faza e dytë, me propozimin e amendamenteve dhe votimit për miratimin e ndryshimeve që do ta bëjnë Maqedoninë një njësi zgjedhore./Telegrafi/