Tragjedia në Koçan, Mickoski: Edhe unë jam i mllefosur për shkak të lëshimeve të sistemit, por ka edhe prej atyre që e keqpërdorin politikisht këtë rast

Kryetari i Qeverisë, Hristijan Mickoski, në pjesëmarrjen e tij në emisionin “Pro ose kundër” në televizionin Alfa, duke folur për tragjedinë në Koçan, theksoi se edhe ai, ashtu si të gjithë të tjerët, është i mllefosur për të gjitha lëshimet e sistemit gjatë viteve të fundit, por gjithashtu theksoi se ka një grup brejtësish që janë përpjekur të keqpërdorin fatkeqësinë për përfitime politike dhe u dërgoi mesazh se ata do të mposhten.

Kryeministri Mickoski theksoi se është e logjikshme që të ketë të tillë që përpiqen të destabilizojnë një qeveri të fuqishme dhe se ekzistojnë dy metodologji njëra është që, me një aksion të fuqishëm dhe të ashpër masiv nga fillimi deri në fund, të kanalizohet ajo energji për të rrëzuar qeverinë dhe tjetra është që, në valë të caktuara, të shkaktohet dëm përmes mesazheve të rreme, konstruktimeve dhe trillimeve.

“Për metodën e parë nuk ka energji dhe kjo është e qartë për ata të cilët janë skenaristët e gjithë kësaj, ndërsa për të dytën, përpjekjet për të shkaktuar dëm në valë, këto struktura po përpiqen ta bëjnë këtë. Ata janë të vetëdijshëm se tani, me një valë të vetme, nuk mund të arrijnë asgjë, por në këtë mënyrë po përpiqen të ulin kredibilitetin e qeverisë dhe politikave qeveritare.

Kryeministri Mickoski sqaroi se për këtë arsye një grup të caktuar e ka quajtur “brejtës”.

Ata tani po e shfrytëzojnë zemërimin e popullit, për të cilin unë kam thënë se ndjej dhembshuri, edhe unë jam i zemëruar, ashtu si ju dhe si shumë të tjerë, për të gjitha ato dobësi të sistemit që kanë ndodhur gjatë dekadave të kaluara dhe për këtë nuk ka asnjë dilemë. Ashtu siç ishin 99 për qind e njerëzve që dolën fillimisht për të shprehur ngushëllim dhe së dyti, për të shfaqur në një mënyrë emocionale zemërimin dhe revoltën e tyre për gjithçka që ka ndodhur me dekada. Tani ka një grup të vogël brejtësish që u përpoqën nga kjo të fitojnë pike politike dhe ta kthejnë vëmendjen nga vetja, theksoi kryeministri Mickoski.

Kryeministri Mickoski shtoi se kjo nuk ka funksionuar, sepse nuk është natyrale, nëse është natyrale dhe buron nga struktura, atëherë do të ketë sukses.

“Por, kjo nuk është natyrale, por drejtimi i tyre është pak nga pak, tani kjo, nesër do të presin një tjetër fatkeqësi dhe tragjedi që të shfaqen këta brejtës dhe të provojnë sërish të fitojnë pikë nga një revolt dhe protestë. Ky është realiteti në politikë dhe ne si qeveri duhet të bëjmë gjithçka që është në fuqinë tonë për të përmbushur. Ata neutralizohen vetëm me përmbushje, kur punoni, kur jeni të pranishëm, vetëm kështu mund t’i shkatërroni përherë”, deklaroi kryeministri Mickoski.