Top gjashtë destinacionet për ta kaluar muajin e mjaltit

Muaji i mjaltit është periudha ku e keni mundësinë t’i kaloni pushimet më të mira në jetë, atëherë kur të porsamartuarit më në fund mund të relaksohen dhe të fillojnë jetën martesore pas stresit të shumtë duke e planifikuar dasmën.

Dhe duke marrë parasysh se ka aq shumë destinacione të mrekullueshme, pa dyshim se është proces i vështirë të ngushtohet lista dhe të zgjedhet vetëm një prej atyre vendeve, transmeton Telegrafi.

Sidoqoftë, më poshtë e keni një listë të përpiluar nga specialistët e muajit të mjaltit me vendet më të mira në botë ku mund ta kaloni muajin e ëmbël.

Karaibet

Karaibet janë ndër vendet më të parapëlqyera për ta kaluar muajin e mjaltit.

Brenda Karaibeve, St. Lucia vazhdimisht është shfaqur në rrjete sociale si një nga ishujt më të njohur për të porsamartuarit, të cilët joshen nga plazhet me ujë të kaltër dhe nga klima tropikale.

Parisi

I njohur ndryshe si një nga qytetet më romantike në botë, Parisi vërtet se tërheq shumë të porsamartuar. Çiftet preferojnë të shkojnë në këtë qytet për ta eksploruar në veçanti Kullën e Eiffel-it.

Greqia

Së fundmi është vizituar nga edhe nga të porsamartuarit Millie Mackintosh dhe Hugo Taylor për muajin e tyre të mjaltit, ndërkaq Greqia ka shumë për t’iu ofruar çifteve që kërkojnë pushim relaksues dhe romantik. Santorini është ishulli më i njohur grek për ta vizituar, por mund t’i provoni edhe ishujt Kefalonia ose Crete.

Italia

Për një pushim të butë dhe relaksues, nuk gaboni nëse e zgjedhni Italinë për ta kaluar muajin e mjaltit. Ndonëse Roma dhe Venice janë qytetet më të popullarizuara, edhe Florence me Positanon janë zgjedhje të mahnitshme për çiftet që duan ta shijojnë klimën mesdhetare, si dhe ushqimin e verën e shijshme.

Maldivet

Nuk është befasuese se Maldivet janë ndër top destinacionet për ta kaluar muajin e mjaltit. Maldivet njihen për atmosferën romantike, ikjen nga realiteti, resortet luksoze, si dhe plazhet e bukura me rërë të bardhë e ujë të pastër si kristali.

Bali

Qoftë nëse çiftet duan ta kenë një muaj aktiv të mjaltit apo të pushojnë në plazh, Bali i ofron të gjitha – gjë e cila e bën këtë vend si vendin më të popullarizuar në botë për t’i kaluar pushimet.

Çiftet preferojnë të ecin përmes xhunglave, të vizitojnë tempuj dhe të pinë kokteje afër pishinave. Lumturi e vërtetë! /Telegrafi/