Tonali: Më shumë i ngjaj Gattusos se Pirlos, Milani më ka refuzuar

Talenti i Brescias, Sandro Tonali po përgatitet për debutimin e tij në Serie A, ndërsa ka folur një intervistë për mediat italiane ku ka shmangur krahasimet me Andrea Pirlom dhe ka zbuluar se Milani e ka refuzuar.

19-vjeçari ishte njëri nga më meritorët që Brescia arriti të fitonte një vend që i inkuadron në Serie A dhe i rezistoi ofertave të mëdha nga Italia dhe jashtë vendit.

“I shtyja provimet e mia, sepse unë nuk kisha fokusin e duhur, pasi isha duke hyrë në Serie A me Brescian dhe gjithashtu kisha Kampionatin Evropian U-21. Nuk është një justifikim, por i premtova Presidentit të Brescias, Massimo Cellino, se unë do të diplomoj vitin e ardhshëm”, ka thënë fillimisht Tonali për La Gazzetta dello Sport.

Lexo po ashtu Të gjitha lajmet rreth Sandro Tonalit

“Jam i sigurt se qëndrimi në Serie A do të jetë shumë më i vështirë, me një ritëm më të lartë dhe lëvizje të ndryshme midis vijave”.

“Më pëlqen të luaj para mbrojtjes, por preferoj të mos flas për Pirlon. Mendoj se njerëzit na krahasojnë për shkak të modelit të flokëve”.

“Andrea është unik si Steven Gerrard ose Luka Modric, por mendoj se nëse duhet të krahasohet me këdo, ndoshta është Gennaro Gattuso”.

Lexo po ashtu Cellino: Tonali nuk është në shitje, vetëm nëse Fiorentina na ofron Chiesan në këmbim  

“Isha tetë vjeç dhe kisha një provë për akademinë e Milanit, edhe pse në atë kohë isha sulmues. Ata më refuzuan. Nuk them që kam keqardhje, sepse shkova në Piacenza”.

“Unë nuk do të përjashtoj një përvojë jashtë vendit, por me të vërtetë e pëlqej stilin e futbollit në Itali”, përfundoi mesfushori italian. /Telegrafi/