Tom Cruise përgatit një “përditësim të madh” për ‘Mission Impossible’, me një version më të ri të Ethan Hunt

Tom Cruise po përgatit një “përditësim të madh” për serinë e tij të njohur “Mission: Impossible”, pasi ai po kërkon një aktor të ri për të portretizuar Ethan Hunt në dy filmat e ardhshëm.

Në përpjekje për të eksploruar më thellë karakterin e tij, Cruise synon të shfaqë ditët e para të Ethan-it, duke treguar aspekte të jetës së tij para se të bëhej spiun.

Sipas një burimi të afërt me prodhimin, “Skenat do të shqyrtojnë jetën e hershme të Ethan-it dhe ngjarjet që e çuan atë në botën e spiunazhit”, shkruan DailyMail.

Ky “përditësim” ka të ngjarë të sjellë një fytyrë të re në rolin e Ethan Hunt, duke përfshirë një aktor të ri për t’u bashkuar me castin e filmave të ardhshëm, duke ofruar një pamje të freskët dhe interesante për fansat.

Ky ndryshim do të sjellë një kthesë të re në histori dhe do të eksplorojë aspekte të pazbuluara më parë të personazhit.

Në muajin nëntor, trailer-i i “Mission Impossible: The Final Reckoning” u publikua, duke treguar Tom Cruise përsëri në rolin e Ethan-it, i cili përballet me një mision të rrezikshëm për të gjetur armën kibernetike ‘The Entity’.

Filmimi i këstit të tetë filloi në vitin 2022, por për shkak të disa vonesave, përfshirë grevat e SAG-AFTRA, xhirimet rifilluan në mars 2024.

Filmi pritet të publikohet më 23 maj 2025, duke vazhduar traditën e serisë me aksion dhe emocione të jashtëzakonshme. /Telegrafi/