Tom Cruise dhuron spektakël gjatë ceremonisë së mbylljes së Lojërave Olimpike

Gjatë ceremonisë së mbylljes të së dielës, Tom Cruise, ylli i njohur i filmave të aksionit dhe protagonisti i “Mission Impossible,” bëri një kërcim të guximshëm dhe spektakolar nga maja e Stade de France në Paris.

Ky akt i pabesueshëm u bë pjesë e një momenti të paharrueshëm që shënoi dorëzimin e Flamurit Olimpik për Lojërat Olimpike që do të mbahen në Los Angeles në vitin 2028.

Në një ngjarje që kombinoi elemente të realitetit dhe të fantazisë filmike, Cruise mori flamurin olimpik dhe u largua nga stadiumi përmes një turme të ngazëllyer sportistësh dhe të ftuarish.

Ky moment emocionues i dha fund një ceremonie të shkëlqyer dhe e përgatiti terrenin për ardhjen e Lojërave Olimpike në SHBA.

Pjesë e këtij segmenti të veçantë, që ishte regjistruar paraprakisht dhe që kishte një nota të theksuar filmike, Cruise u pa duke udhëtuar nëpër Paris në një mënyrë magjike, derisa arriti në një aeroplan që sfidoi hapësirën dhe kohën.

Në një spektakël të jashtëzakonshëm, ky aeroplan e transferoi atë nga kryeqyteti francez në Los Angeles në një kohë rekord.

Në një përfundim të ngjarjes që kapte frymën e filmave të tij, kamera e shkurtëzoi dhe Cruise u pa në shenjën ikonikë të Hollywood-it.

Në këtë skenë, unazat olimpike zëvendësuan “o”-të e dyfishta në fjalën Hollywood, duke simbolizuar kështu festën e madhe që do të vijë në qytetin e ëndrrave. /Telegrafi/