Tifozët e Paris Saint-Germain kanë befasuar të gjithë me veprimet e tyre të fundit para dhe gjatë ndeshjes së sotme në Ligue 1 ndaj Bordeaux.
PSG është duke luajtur në shtëpi ndaj Bordeaux në ndeshjen e vlefshme për javën e 28-të.
Megjithatë, ndeshja nuk ka nisur më së miri për dy nga yjet kryesor të skuadrës, Lionel Messi dhe Neymar.
https://twitter.com/FootyHumour/status/1502983304219353090
Dy futbollistët janë vërshëllyer nga tifozët para ndeshjes, por edhe në çdo prekje të tyre gjatë ndeshjes, po vërshëllehen.
Por, të njëjtin tretman nuk po e merr edhe ylli francez, Kylian Mbappe, i cili është në muajt e fundit të kontratës dhe ende nuk ka vendosur të rinovojë.
Kur spikeri ka thirrur emrin e Mbappes para ndeshjes, tifozët e kanë duartrokitur atë, ndërsa edhe gjatë ndeshjes po e duartrokasin.
Humbja dhe eliminimi nga Real Madridi në Ligën e Kampionëve si duket është përjetuar rëndë nga tifozët e PSG-së, të cilët tashmë kanë etiketuar fajtorët. /Telegrafi/
https://twitter.com/prix_lfc_fcg/status/1502979813904351239
https://twitter.com/ronaldmorgan_/status/1502983874942537736
