Tifozët e Liverpoolit duan që Steven Gerrard ta ngrejë trofeun e Ligës Premier

Është vetëm çështje kohe, që Liverpooli ta fitojë titullin e Ligës Premier dhe atë pas 30 vitesh.

Djemtë e Jurgen Klopp janë 22 pikë para Manchester Cityt dhe iu duhen edhe gjashtë fitore nga 13 ndeshje për ta ngritur trofeun.  Mund të ndodh në Goodison Park? Por edhe në Anfield. Ka gjasa që titulli të fitohet në Etihad.

Fansave të Liverpoolit nuk iu bën përshtypje se kur dhe ku por vetëm titulli. Natyrisht që trofeu do të merret në ndeshjen e fundit ndaj Chelsea në shtëpi me 9 maj.

Jordan Henderson është duke u përgatitur për një trofe siç bëri me Ligën e Kampionëve, Superkupën dhe Kupën e Botës për klube. Mesfushori po pëlqehet shumë nga tifozët, sidomos këtë sezon ku ka dhënë gjithçka nga vetja. Të gjithë besojnë se ai e meriton ta ngrejë trofeun në maj.

A treble of Henderson shuffle. pic.twitter.com/BvPccrrSOz

— SH (@Sennesation) December 21, 2019

Por janë disa fansa që mendojnë se ai që do ta ngrejë trofeun, duhet të jetë – Steven Gerrard. Gerrard ishte afër titullit me Liverpoolin në Ligën Premier në edicionin 2013/14, por e humbi.

Tani tifozët duan që ta shohin Gerrardin, që ta ngritë trofeun.

Një shkrim në twitter shkruan: “Nënshkruani me Gerrardin si lojtar i lirë për 5 ndeshje”.

Sign Gerrard as a free agent for 5 games @LFC

— – (@AnfieldRd96) February 2, 2020

Ky shkrim është bërë viral, ku shumë tifozë e kanë përkrahur.

Shumë prej tyre tani ëndërrojnë që ai më jetë person i që do ta ngritë trofeun.  /Telegrafi/