Presidenti i Kosovës, Hashim Thaçi ka thënë se bashkimi i Kosovës me Shqipërinë që ndryshe është përfolur edhe si krijimi i “Shqipërisë së Madhe” është propagandë e Beogradit.
Presidenti i vendit tha se Serbia e përmend “Shqipërinë e Madhe” për t’i arsyetuar veprimet e veta destabilizuese.
“Mediat serbe vazhdimisht e kanë në ballinë këtë term, ndërsa askush në Prishtinë apo Tiranë nuk e përmend Shqipërinë e Madhe. Ky term po përdoret nga Serbia për të justifikuar rolin e saj destruktiv në Kosovë, Bosnjë, por edhe në tërë Ballkanin Perëndimor”, ka thënë Thaçi në një konferencë për media pas takimit me presidentin e Shqipërisë, Bujar Nishani.
