Thaçi “Liberalizimi i vizave çështje orësh”; Kanë kaluar 38,474 orë, e 11 min. e 40 sek.

Redaksia e “Mbrëmjet e Lajmeve” ka numëruar që 38 mijë e 474 orë, e 11 minuta, e 40 sekonda kanë kaluar nga hera e fundit ku Presidenti i Kosovës, Hashim Thaçi ka prononcuar që liberalizimi i vizave është çështje orësh.

Në edicionin e sontëm të “Mbrëmjet e Lajmeve” u trajtua premtimi i z. Thaçi që ka prononcuar kohë më parë për liberalizimin e vizave.

Prononcimi i z. Thaçi ka qenë “Procesi i liberalizimit të vizave tanimë nuk është duke i numëruar ditët dhe javët por është duke i numëruar orët”.

Prezantuesi Ditar Gashi prononcoj që ky premtim është i vërtetë pasi që z. Thaçi nuk e ka cekë a është 3 orë, 4 orë, apo 38 mijë e 474 orë. Ai ka thënë që është çështje orësh.

Për këtë lajm si dhe shumë lajme të tjera si: z. Pacolli ofron aeroplanin privat për qytetarët, sa million kushtuan fluturimet e Presidencës, sa përqind kërkon “Liria” e Prizrenit nga Lazio, etj, ndiqni edicionin e plotë më poshtë.

“Mbrëmjet e Lajmeve” është emision satirik i cili ka nisur së fundmi në GjirafaVideo.

Qëllimi i emisionit është që t’i argëtoj publikun duke satirizuar ngjarjet ditore në vend si ato politike dhe sociale.

“Mbrëmjet e Lajmeve” mund t’i ndiqni çdo natë nga ora 20:10 në GjirafaVideo.com