Nëse nyja e Kosovës zgjidhet deri në pranverën e vitit të ardhshëm, ekzistojnë gjasa të mëdha që presidenti i Kosovës, Hashim Thaçi dhe ai i Serbisë, Aleksandar Vuçiq e Federica Mogherini të nominohen për çmimin Nobel për Paqe.
Siç raporton e përditshmja serbe “Danas” duke u thirrur në burime ndërkombëtare diplomatike, hapi i parë drejt nominimit të mundshëm të presidentit të Kosovës, është promovimi i librit të tij më të ri autobiografik “New State, Modern Stateman” nëpër shtetet perëndimore, transmeton Telegrafi.
Autorët e librit autobiografik të presidentit Thaçi janë gazetarët britanikë Roger Boys dhe Suzy Jagge. Ky libër deri më tani është promovuar në Londër, Berlin, Paris dhe Vjenë. /Telegrafi/