Tha se nuk do ta publikonte kurrë atë këngë, Rina Balaj ndryshon mendim pas komenteve të fansave?

Rep-artistja, Rina Balaj po vazhdon punën për projekte të reja muzikore.

Kohëve të fundit, artistja nga Istogu është zhvendosur në Greqi, por nga atje po iu qëndron afër fansave përmes postimeve në rrjetet sociale teksa herë pas herë ndan me ta edhe përditësime rreth këngëve të reja.

Ditë më parë, Rina në një postim në Instagram postoi një pjesë të shkurtër të një kënge, të cilën tha se nuk do ta publikonte asnjëherë dhe fansat mund ta shijonin vetëm refrenin  e saj.

View this post on Instagram

A post shared by balerina (@isyourgirlrina)

Ndjekësit ishin të menjëhershëm në reagime duke komentuar dhe kërkuar që ky projekt të lansohej i plotë.

Reagimet pozitive kanë bërë që krijuesja e “Bab Rosita” të mendoi për lansimin e kësaj kënge.

“7 mijë komente, tani po më bëni që ta lansoi këngën”, ka shkruar Rina në një postim në InstaStory.

Lexo po ashtu Rina Balaj interpreton një pjesë të një kënge të re dhe thotë se nuk do ta lansojë kurrë

Ndërkohë, deri në publikimin e një projekt të ri, Balaj po shijon suksesin e “Demon” që u shoqërua edhe me klip dhe deri më tani ka grumbulluar mbi gjysmë milionë klikime në kanalin zyrtar në YouTube. /Telegrafi/