Botë Nga Bota

Testimi i bombës së hidrogjenit: Lajmi që mund ta ndryshojë botën (Video)

Para 7 vitesh

Koreja e Veriut pretendon se ka kryer të dielën me sukses një test bërthamor, duke shkaktuar ortekë të reagimeve në gjithë botën. Nëse lajmi është i vërtetë, ky shtet është i vetmi në këtë shekulli që ka testuar bombën e hidrogjenit.

Pavarësisht sanksioneve, izolimit dhe kërcënimeve, shteti më i mbyllur në botë, me në krye me Kim Jong-unin, nuk heq dorë nga programi bërthamor. Ngjarjet e fundit në Gadishullin Korean shkaktuan frikë kudo në botë, nga një luftë me përmasa shkatërrimtare, transmeton Telegrafi.

Nëntë shtete në botë kanë armë bërthamore, e madje 92 për qind e tyre janë në duart e Shteteve të Bashkuara dhe të Rusisë. Koreja e Veriut është vendi i fundit që zhvilloi një armë bërthamore në vitin 2006. Të parët ishin Shtetet e Bashkuara, me projektin Manhattan në vitin 1945.

Prej atëherë e deri në vitin 1996 me Traktatin për Ndalimin e Testimit të Bërthamor, rreth 2,050 teste bërthamore u kryen në mbarë botën. Shumica e bombave janë në SHBA – 1.032, pastaj në Rusi – 715, 210 në Francë, 45 në Britani dhe aq në Kinë. Izraeli thuhet se i ka nëntë, Koreja e veriut – gjashtë, India – dy dhe Pakistani – dy.

Agjencia e lajmeve e Koresë së Veriut, KCNA, ka thënë se forca e bombës ishte qindra kilotonë dhe se mund të shpërthejë në lartësi të mëdha mbidetare. Po ashtu, u tha se të gjitha pjesët janë të “prodhimit vendor”.

Në lidhje me testin e sotëm, ekspertët e sigurisë thonë se Koreja e Veriut po tregon se zotëron këtë teknologji të rrezikshme, gjë që ndryshon hartën e fuqive në botë. Pra, fjala është për një përparim teknologjik të këtij shteti që mund të ketë pasoja të mëdha kudo.

Një pjesë e analistëve thonë se bota duhet të nis negociatat të reja, nëse lajmi është i vërtetë. Por, nuk mohojnë se fjala është veç për një propagandë.

WATCH: Reporter: “Mr. President, will you attack North Korea?”
President Trump: “We’ll see.”
https://t.co/wkUxeMt8Ex

— NBC News (@NBCNews) September 3, 2017

Sidoqoftë, sot presidenti amerikan, Donald Trump, nuk ka mohuar e as pohuar sulmin e mundshëm amerikanë kundër Koresë së Veriut.

“Do të shohim”, ka thënë ai, transmeton Telegrafi.

Nëpërmjet një postimi të sotëm në rrjetin Twitter, lidhur me provën e Koresë Veriore, ai ka vlerësuar se “fjalët dhe aksionet e saj vazhdojnë të jenë shumë armiqësore dhe të rrezikshme për Shtetet e Bashkuara”. Më tutje, në një mesazh të ndarë, ai e ka përshkruar Korenë Veriore si “vend i papërgjegjshëm që është shndërruar në kërcënim të madh dhe shqetësim për Kinën, që po përpiqet të ndihmoj, por me pak sukses”.

WATCH: Defense Secretary Mattis's full statement on North Korea. pic.twitter.com/p9xA8Q0M0C

— Fox News (@FoxNews) September 3, 2017

Ndërkohë, shefi i Pentagonit, James Mattis, thotë se çdo kërcënim ndaj SHBA-ve ose aleatëve të saj nga Koreja e Veriut, do të ballafaqohet me një “reagim masiv ushtarak”.

Reagime ka pasë edhe nga Këshilli i Sigurimit i Organizatës së Kombeve të Bashkuara që ka njoftuar se do të mbajë një takim urgjent të hënën, për diskutime pas testit të fundit bërthamor të Koresë së Veriut Ky takim i jashtëzakonshëm do të mbahet pas kërkesës së SHBA-ve, Japonisë, Britanisë, Francës dhe Koresë së Jugut.

Ndërkohë, është propozuar që të ndërpriten të gjitha marrëdhëniet tregtare me Korenë e Veriut, ku prin Kina. Këtë ide e ka dhënë edhe presidenti amerikan, Donald Trump.

North Korea. Top trade export partners:

China 83%
India 3.5%
Pakistan 1.5%
Burkina Faso 1.2%
Other 10.8%

— ian bremmer (@ianbremmer) September 3, 2017

“Kemi filluar me sanksione, por do të planifikojmë një draft të ri që do t’ia dërgojmë presidentit sipas të cilit secili që kërkon të bëjë biznes me ata (Koreja e Veriut) do të ndalohet nga biznesi me ne (SHBA)”, ka thënë Steven Mnuchin, anëtar i Këshillit të Sigurisë Kombëtare të Trumpit. /Telegrafi/