Ten Hag pritet të startojë me një formacion më ndryshe në derbin me Liverpoolin

Trajneri i Manchester United, Erik ten Hag, do të bashkojë Raphael Varanen me Lisandro Martinez kundër Liverpoolit sonte, pasi përdori qendërmbrojtësit në stërvitje javën e kaluar – me kapitenin Harry Maguire që përballet me uljen në bankinë.

United do të synojë të sigurojë pikët e tyre të para të sezonit pas fillimit të sezonit me humbje kundër Brighton dhe Brentford, gjë që tashmë ka grumbulluar presionin mbi trajnerin holandez vetëm dy ndeshje në aventurë e tij të re.

Djajtë e Kuq u mundën 2-1 nga njerëzit e Graham Potter në Old Trafford, përpara se të pësonin katër gola në hapësirën prej 35 minutash në Brentford.

Lexo po ashtu Parashikim, analizë dhe formacionet e mundshme: Manchester United - Liverpool

Transferi i ri Martinez pati vështirësi në të dyja humbjet, veçanërisht në pranimin e katër golave kundër një skuadre të gjallë të “Bee’s”.

Shumë kanë vënë në pikëpyetje nëse nënshkrimi prej 62 milionë euro është mjaftueshëm i gjatë për të funksionuar si qendërmbrojtës në Ligën Premier, duke treguar lartësinë e tij si një shkak kryesor për shqetësim.

Lexo po ashtu Tjetër javë, tjetër refuzim për Ronaldon - duket se portugezi do të mbetet te Unitedi

Megjithatë, Sportsmail  kupton se Ten Hag po planifikon të bashkojë Martinezin me Varane në ndeshjen e tyre të vështirë me Liverpoolin pas stërvitjes me dyshen në qendër të mbrojtjes javën e kaluar.

Kjo do të thotë se Maguire, i cili gjithashtu është kritikuar pas dy humbjeve hapëse të United, ka të ngjarë të nisë ndeshjen nga stoli në Old Trafford këtë mbrëmje.

Reprezentuesi anglez është vëzhguar shumë nga tifozët e Djajve të Kuq gjatë vitit të kaluar, me disa që kanë bërë thirrje që ai të largohet si kapiten pas mbërritjes së Ten Hag. /Telegrafi/