Ten Hag flet sërish për Jadon Sancho – situata duket e brishtë

Duke folur për mediat të premten (sot), Erik ten Hag është pyetur nëse Jadon Sancho do të luajë përsëri për Manchester United.

Trajneri holandez ka bërë të ditur se kjo gjë varet nga ai, duke lënë të kuptohet se ai po pret kërkim faljen e lojtarit për deklaratën publike të bërë në fillim të këtij muaji.

“A do të luajë përsëri Jadon Sancho për Manchester United? Kjo varet nga ai. Për pjesën tjetër, ne po përgatitemi për Burnley dhe ky është fokusi ynë. Ai nuk do të jetë në skuadër”, ka bërë të ditur Ten Hag.

Lexo po ashtu Man Utd i gatshëm të shesë Sanchon për një çmim të lirë

“Është viti im i dytë. E di që nuk është gjithmonë në rritje, do të keni boshllëqet tuaja dhe do të bëheni më të fortë prej tij për sa kohë që qëndroni së bashku”.

Deklarata e Ten Hag se e ardhmja e Sanchos ‘varet’ nga lojtari, por konfirmon thashethemet se 23-vjeçari po refuzon t’i kërkojë falje trajnerit të Man United.

Sancho e akuzoi publikisht holandezin se gënjeu në fillim të këtij muaji, gjë që bëri që ai të hiqej nga skuadra e parë me urdhër të strategut. /Telegrafi/