Sport Futboll Ndërkombëtare

Telefoni cingëron në gjysmë të natës: “Më ndihmo” – si mund ta shpëtonte karrierën Arda Turani duke i telefonuar Mino Raiolas

Para 5 vitesh

Arda Turan e përfundoi huazimin dyvjeçar te Basaksehir me shumë skandale, për t’u rikthyer kështu te Bracelona.

The Guardian ka bërë “një bisedë imagjinare” se si do të ishte biseda e tij me agjentin Mino Raiola, në përpjekje për të gjetur klub të ri.

Kur kishte kaluar mesi i një nate, mesfushori turk e kishte telefonuar agjentin italian që ta ndihmonte dhe t’i shpëtonte karrierën.

Raiola ka zbuluar se si Turan e thirri atë me numër të fshehur dhe i kërkoi ndihmë në mes të natës.

“Jam Arda”. Raiolas nuk i bije në mend për të: “Arda, kush?”.

“Çfarë do të thuash? Jam Arda Turan. Shiko, Mino. E di se është vonë, por më duhet ndihma juaj. Jeni njeriu i vetëm që mund ta bësh këtë. Më duhet një klub”.

Raiola më pas e kupton se është ai dhe e di se sa i dëshpëruar është për një klub të ri dhe e vazhdon bisedën me të.

“Por, ti ke tashmë një klub. Je te Barcelona”, i thotë italiani.

“Nuk do të shkoj më atje”, ia kthen Turan.

“Pasi ata (Barcelona) nuk të duan”.

“Pasi unë nuk i dua ata. Shiko, ti e di si janë gjërat me mua dhe Barcelonën. Ata asnjëherë nuk më ofruan një shans. Më duhet një ndryshim, një start i ri”.

“Në rregull, do të shikojmë”, ka thënë Raiola, duke filluar t’i mbledhë të dhënat e tij.

“Arda Turan. 32-vjeçar. Atletico Madridi, 178 paraqitje, 22 gola, Barcelona, 55 paraqitje, 15 gola. Klubi ku ka luajtur së fundmi, Istanbul Basaksehir, aty ku i është ndërprerë huazimi, pasi i gjuajti me armë në spital. 42 ndeshje, vetëm dy gola”, tregon agjenti italian.

“A nuk ështëkjo një rënie në karrierë?”.

“Po e mendon seriozisht këtë gjë”, ia ka kthyer mesfushori turk.

“Po”, Raiola ia kthen. “Dëshiron të bisedosh incidentin me armë?”.

“Jo, nuk dëshiroj”, thotë Turan.

“Mirë, ti ju afrove një këngëtarit në Turqi në një klub nate dhe u përleshe, shkove në spital e gjuajte me armë dhe frikësove gruan e tij, më pas të arrestuar. Storie të ndryshme. Çfarë thua për kohën kur u dënove me 16 ndeshje mos-lojë? T’u reduktuan në dhjetë nga apeli. Pasi godite gjyqtarin. Më pas e kërcënove një gazetar në një ndeshje ndërkombëtare”, ia kthen agjenti.

“Shiko, kam nevojë për një klub në janar. A je ti një agjent apo gjyqtar?”, ia kthen turku.

“Të dyja”, ia kthen Raiola, me një ton të nervozuar. “Të gjitha këto gjëra të testojnë dhe asnjë klub nuk të dëshiron me këtë sjellje”.

“Nëse vazhdon kështu, as unë nuk të ndihmoj, një lojtar të rebeluar askush se do. Do të shikojmë këto ditë. Nëse mund të bëjë diçka dhe të gjej një skuadër që është e interesuar për ty edhe pse është e vështirë”, ka zbuluar më tej Mino Raiola.

Agjenti italian më tej ka shtuar se Turan është i dëshpëruar për të gjetur një skuadër të re dhe mund të ndodhë që në këtë afat kalimtar të janarit ai të transferohet në ndonjë ligë. /Telegrafi/