A do të shtrenjtohet çmimi i ujit në Maqedoni?

30 ndërmarrje publike nga gjithë Maqedonia presin që Komisioni rregullator energjetik ta përcaktojë shumën maksimale dhe minimale në bazë të të cilës qytetarët do të paguajnë ujin. Kërkesat e ndërmarrjeve publike me çmimet e përckatuara janë parashtruar.

Dje përfundoi afati deri kur palët kanë mundur të ankohen, por deri tani atë se ka bërë askush, thonë nga Komisioni rregullatorë për energjetike.

Nga mesi i nëntorit rregullatorët do të deklarohen, ndërsa fjalën e fundit do ta kenë këshillat komunal, të cilët çmimet do të duhet ti vërtetojnë deri në fund të vitit. Çmimet e reja do të llogariten prej vitit të ri.

Çmimi për një metër kub ujë për pije nëpër shtët sillet prej 11 deri 55 denarë. Pjesë e ndërmarrjeve publike të vendit kërkojnë çmime më të larta të ujit për pije nga viti i ardhshëm, por thuajse të gjitha në dy vitet e ardhëshme vlerësojnë se duhet të ketë rritje të çmimit. Në Vrapçishte, Dibër, Bosillovë, Tetovë, Bervenicë kërkohet cmim prej 11 deri 8 denar për metër kub.

Në Shkup, Zhelinë, Kavadar, Gostivar, Dollnen,Kërçovë, Negotinë çmimi sillet prej 20 deri 28 denarë. Në Lagjen Ilinden, në Manastir, Resnjë, Radovish, Prilep, Vinicë, Strugë, Kumanovë e Berovë propozohen çmime 30 deri 39 për metër kub. Shtipi, Strumica, Ohri, Shën Nikolla dhe Velesi nga 40 deri 45 denar, ndërsa më shtrenjti Koçani me 55 denar për metër kub.