Te Real Madridi dinë t’i vërshëllejnë edhe legjendat – 14 lojtarët që u fyen nga tifozët madrilenë

Tifozët e Real Madridit dinë të jenë të ashpër me lojtarët e tyre dhe këtë e kanë treguar edhe në të kaluarën.

Përkrahësit e Los Blancos ndër vite kanë vërshëllyer lojtarët e tyre më të mirë që kanë pasur në skuadër, e që kjo është për t’u befasuar.

Madje, ka edhe raste kur ata kanë duartrokitur edhe lojtarë kundërshtar siç është rasti më i freskët i Ronaldinhos kur luante te Barcelona.

Por, janë 14 emra që janë fyer nga tifozët e Real Madridit në Santiago Bernabeu:

Alfredo di Stefano

Legjenda e madrilenëve ishte vërshëllyer nga tifozët në përballjen që po e zhvillonin ndaj Athletic Bilbaos, derisa Di Stefano kishte shënuar dy gola për t’i heshtur ata.

Cristiano Ronaldo

Ylli portugez ishte fyer nga përkrahësit e skuadrës shpesh herë në sezonin 2016/17 dhe lojtari kishte thënë: “Kjo gjë nuk më ka ndodhur kurrë te Manchester United dhe nuk më pëlqen”.

Iker Casillas

Portieri legjendar kishte kohë të vështira te madrilenët, sidomos në periudhën kur Jose Mourinho ishte trajner. Casillas ishte vërshëllyer së fundmi në vitin 2015 nga tifozët.

Michel

Michel ishte njëri ndër lojtarët më të dashur ën skuadër, por në vitin 1989 ishte fyer nga tifozët e Real Madridi dhe nuk ishte i kënaqur me sjelljen e tyre.

Juanito

Lojtari kishte bërë të ditur se në vitin 1981 ishte fyer nga përkrahësit e Los Blancos dhe kjo gjë e kishte lënduar, por ka tentuar të marrë vetëm kujtime të mira nga ajo kohë.

Emilio Butragueno

Tani si drejto në klub, Butrageno ka zbuluar se në vitin 1994 ishte vërshëllyer nga tifozët e Real Madridit dhe i ka dalë në mbrojtje Gareth balës që po kalon nëpër një situatë të tillë.

Fatkeqësisht lista nuk ndalet me kaq, pasi lojtarë që janë fyer nga tifozët ishin edhe Kaka, Karim Benzema, Hugo Sanchez, Guti, Fernando Hierro, Martin Vasquez dhe Manuel Velasquez. /Telegrafi/