Të gjithë u çuditën kur Barcelona bëri gjashtë zëvendësime në ndeshje, por një rregull i panjohur ia mundëson këtë skuadrave

Lojtarët e Barcelonës u munduan shumë që të mposhtin Alavesin me rezultatin 1-0, por ajo që tërhoqi vëmendjen e tyre ishte fakti se skuadra katalunase bëri gjashtë zëvendësime gjatë ndeshjes.

Pas humbjes së Real Madridit, Barcelona pati mundësinë të zvogëlojë diferencën në vetëm katër pikë prapa liderit madrilen. Edhe pse të gjithë prisnin që nikoqiri të ecte drejt fitores së lehtë ndaj Alaves, nuk ishte kështu.

Goli i vetëm i ndeshjes u shënua nga Robert Lewandowski në minutën e 61-të të ndeshjes dhe kjo ishte gjithçka që pamë për sa i përket efikasitetit në ndeshjen e ditës së diel.

Megjithatë, është gjithashtu interesant fakti se Barcelona bëri gjashtë zëvendësime gjatë ndeshjes, megjithëse rregulli nominal e kufizon numrin e zëvendësimeve në pesë.

Arsyeja është se Gavi ka pësuar një dëmtim në kokë. Prej disa sezonesh, rregulli është që nëse një trajner duhet të zëvendësojë një lojtar për shkak të një dëmtimi në kokë, atëherë zëvendësimi nuk llogaritet dhe mund të bëhen pesë zëvendësime të tjera gjatë lojës.

Për fat të mirë, gjithçka është në rregull me reprezentuesin spanjoll, dhe Barcelona e konfirmoi këtë në një deklaratë të mëvonshme për shtyp.

Lexo po ashtu Mjafton një gol nga Lewandowski, Barcelona mposht Alavesin dhe i afrohet Real Madridit

“Gjatë ndeshjes së pasdites kundër Alaves, Gavi pësoi një lëndim në kokë pa humbur vetëdijen. Gjetjet ishin normale dhe ai u lirua në shtëpi”, tha klubi katalanas.

Hansi Flick duhej të zëvendësonte Gavi në minutën e 14-të dhe e inkuadroi në lojë Fermin Lopezin.

Pas kësaj, ai bëri pesë zëvendësime të tjera dhe në lojë hynë Eric Garcia, Frenkie de Jong, Ferran Torres, Gerard Martin dhe Pau Victor. /Telegrafi/