Të gjithë po flasin për Xhakën, por Admir Mehmedi kishte përgjegjësinë kryesore që Zvicra të kalonte në çerekfinale të Euro 2020

Admir Mehmedi ishte të hënën mbrëma njëri ndër lojtarët më meritor që Zvicra kaloi në çerekfinale të Euro 2020.

Mesfushori shqiptar që përfaqëson Helvetikët ndihmoi skuadrën e tij që të eliminonte Francën me anë të penalltive.

Ishte minuta e 87-të kur Mehmedi u inkuadrua në lojë në vend të Ricardo Rodriguezit, derisa në atë 90-të, erdhi goli i barazimit me anë të Mario Gavaranovic që u asistua nga Granit Xhaka.

Lexo po ashtu Granit Xhaka bën për vete zviceranët me deklaratën emocionale pas triumfit të çmendur ndaj Francës

Koha e rregullt përfundoi me rezultat 3-3, derisa në vazhdime portat mbetën të paprekura.

Kështu, ballafaqimi shkoi në ekzekutimin e penalltive, e Amdir Mehmedi kishte penalltinë e pestë, që rezultoi të ishte e fundit.

Lexo po ashtu Ndoshta sekreti ishte në shishen e Coca Colas - Granit Xhaka e bën të kundërtën që e bëri Ronaldo para disa ditësh

Me një gjakftohtësi të madhe, mesfushori qëlloi saktë, duke mposhtur me lehtësi Hugo Llorisin që u hodh në kahun e kundërt.

Presioni më pas ishte te Gjelat dhe Kylian Mbappe, e që ylli i Paris Saint-Germain nuk arriti ta fute topin në rrjetë, pasi Yann Sommer e priti atë.

Mehmedi barti pothuajse barrën më të madhe në penalltitë e realizuara, pasi po ta huqte, do të kishte shtuar presionin te gardiani i Zvicrës. /Telegrafi/

https://youtu.be/q-pP8Nxgt0Q?t=27