Në klipin e saj të ri të drejtuar nga Blake Lively për këngën "I Bet You Think About Me", Taylor Swift mahniti në një seri pamjesh të modës, duke përfshirë një fustan nusërie të bardhë.
Ajo hodhi videon e mbushur me modë të hënën, pas publikimit të albumit të saj me 30 këngë "Red (Taylor's Version)" javën e kaluar.
Klipi shumëngjyrësh përshkruan fenomenin e popit 31-vjeçar duke shkuar në dasmën e një ish-të dashuri, të luajtur nga Miles Teller.
Këngëtarja e hitit "All Too Well" e bën hyrjen e veshur si kamariere, me një pallto dhe kapele të kuqe me porosi së bashku me këpucët Louboutin dhe vathët Nakard, përpara se të ndërrohet në një fustan skulpturor nga Tadashi Shoji për të zhytur gishtat në tortën e dasmës.
Pastaj, në vend të kësaj merr rolin e vajzës së luleve, duke veshur një fustan të zbukuruar me lule të ndjekur nga një stil i kuq.
Po një pamje që nuk ishte e gjitha e kuqe? Fustani i nusërisë pa rripa, i kompletuar me një bisht të zbukuruar me lule. Disa e panë modelin e nusërisë si një e dhënë se Swift mund të lidhte kurorë me të dashurin e saj prej shumë kohësh, Joe Alwyn, me një postim në Twitter që thoshte: "Kjo më bën 100000 për qind të sigurt që Taylor Swift dhe Joe Alwyn janë martuar fshehurazi".
Por, kjo nuk do të ishte hera e parë që stili i Swift ngjalli thashetheme për martesë, pasi fansat spekuluan edhe për stilin e saj të mëndafshtë me pamje shumë nusërore në klipin "Willow" dhjetorin e kaluar.
Këngëtarja e "Cardigan" mbylli videon e saj të fundit me një dizajn tjetër Nicole + Felicia, një fustan i kuq i zbukuruar me mbi 2000 lule të punuara me dorë. /Telegrafi/
