Ngjyrosja e tavanit në nuancën e cila është në kontrast me muret është mënyrë shumë e mirë për krijimin e dramatikes në hapësirë
Nëse nuk jeni të sigurt se cilën nuancë ta zgjidhni, provoni me ato të cilat janë midis më të popullarizuarave: ngjyra e kaltër qielli, ngjyrë fildishi, nuanca e butë e pjeshkës, e trëndafiltë e butë apo e verdhë, ngjyrë çokollate.
Mund të vendosni që ngjyra e tavanit të jetë e njëjtë si ajo e mureve, mirëpo rezultati përfundimtar do të mund të zvogëlojë vizualisht hapësirën, andaj jini të kujdesshëm.
Kjo është zgjidhje e mirë edhe për hapësirat me tavane jo të zakonshme, tavane jo të rrafshëta, transmeton Telegrafi.
Keni parasysh që tavani gjithmonë të duket më i errët se muret, prandaj ngjyrën të cilën e keni përdorur përzieni me të bardhën në proporcion 20:80 para se të filloni me muret.
Ekspertët porosisin që një rregull themelore duhet ta kini parasysh: tavanet të cilat janë më të shndritshme se muret japin iluzionin e hapësirës më të madhe, ndërsa ata më të errët në kombinim me muret e shndritshme krijojnë përshtypje tjetër.
Janë modernë edhe tavanet me vija të gjera, më së shpeshti në kombinim me ngjyrën e bardhë me të cilën keni ngjyrosur muret.
Me rastin e zgjedhjes së ngjyrës për tavan, kushtoni kujdes se çfarë drite ka hapësira.
Artificialja por edhe ajo ditore, do të ndikojnë që ngjyra e tavanit tuaj të ndryshojë gjatë ditës varësisht nga sasia e rrezeve të diellit.
Përveç vetë tonit të ngjyrës është me rëndësi edhe çfarë teksture ka, a është e shndritshme apo mat.
/Telegrafi/
