Takimet e radhës të Kosovës: Tri ndeshje si vendas, dy si mysafir

Përfaqësuesja e Kosovës e mposhti mbrëmë Bullgarinë 2-3, duke u pozicionuar në vendin e tretë në Grupin A të kualifikimeve në Euro 2020.

‘Dardanët’ aktualisht janë në vendin e tretë me pesë pikë të grumbulluara, gjersa kanë një fitore dhe dy barazime, ndërsa kanë 14 ndeshje pa humbje që nga Liga e Kombeve.

Anglia me Republikën e Çekisë janë liderë të grupit me nga gjashtë pikë, ndërsa Mali i Zi që gjendet në vendin e katërt dhe Bullgaria, kanë nga dy pikë.

Përfaqësueset tani do të kenë një pushim tre mujor, për t’u rikthyer sërish me ndeshje në muajin shtator, e që Kosova ka shansin e mirë që ta rrëmbejë vendin e dytë,

‘Dardanët’ do të përballen me Republikën e Çekisë më 7 shtator nga ora 15:00 në stadiumin ‘Fadil Vokrri’, e që në rast se marrim tri pikë, do të dalim në vendin e dytë, por edhe në të parin në rast se dështon Anglia.

Më pas, Kosova do të jetë mysafir i  Tre Luanëve më 10 shtator, në ndeshjen që fillon nga ora 20:45.

Përfaqësueset do të kenë edhe nga një miqësore pas ndeshjeve të shtatorit, ndërsa tanët do të përballen me Gjibraltarin më 10 tetor nga ora 20:00.

Lexo po ashtu Reagimet e mediave të rajonit dhe botës pas triumfit ndaj Bullgarisë: Kosova po bën mrekulli

Tri ndeshjet e fundit të Kosovës në kuadër të Grupit A për kualifikimet në Kampionatin Evropian, do të jenë ajo ndaj Malit të Zi në Prishtinë më 14 tetor nga ora 20:45.

Ndërsa, më 14 nëntor do të përballemi me Republikën e Çekisë si mysafir nga ora 20:45, gjersa ndeshjen e fundit kualifikuese do ta kemi më 17 nëntor me Anglinë në ‘Fadil Vokrri’. /Telegrafi/