Sunak është kundër një armëpushimi të njëanshëm në Ukrainë: Kjo do të keqpërdorej nga Rusia

Çdo thirrje e njëanshme për një armëpushim nga Rusia do të ishte “plotësisht e pakuptimtë në kontekstin aktual”, tha të hënën kryeministri britanik Rishi Sunak.

Sunak po merr pjesë në samitin e liderëve të Forcave të Përbashkëta të Ekspeditës (JEF) në Riga, Letoni.

Ai ka pohuar se çdo thirrje për armëpushim nga ana e Rusisë do të ishte “e rreme”, raporton cnn.

“Ajo do të përdorej nga Rusia për të rigrupuar forcat e veta, për të përforcuar trupat e saj dhe derisa të tërhiqen nga territori i pushtuar, nuk mund dhe nuk duhet të ketë negociata të vërteta”, vazhdoi Sunak.

“Vendosmëria jonë kolektive është e qartë dhe ne kemi dhe do të vazhdojmë të mbështesim Ukrainën. Dhe kjo është para së gjithash sepse siguria e tyre është siguria jonë”, shtoi kryeministri.

JEF përbëhet nga Danimarka, Estonia, Finlanda, Islanda, Letonia, Lituania, Holanda, Norvegjia, Suedia dhe Mbretëria e Bashkuar.

Ndryshe, Rusia ka nisur pushtimin e shtetit ukrainas më 24 shkurt duke shkaktuar viktima dhe dëme materiale. /Telegrafi/