Një gruaje iu pre koka! Detaje të reja të sulmit me thikë në Nice të Francës

Një gruaje iu pre koka nga një sulmues me thikë i cili gjithashtu vrau dy persona të tjerë afër një kishe në qytetin francez të Nice të enjten, tha policia, në një sulm që kryebashkiaku i qytetit e përshkroi si terrorizëm.

Sipas Reuters, përcjell Telegrafi, kryebashkiaku Christian Estrosi tha në Twitter sulmi me thikë kishte ndodhur në ose afër kishës Notre Dame të qytetit dhe se policia kishte ndaluar sulmuesin.

Policia tha se tre persona u konfirmua se kishin vdekur në sulm dhe disa ishin të plagosur.

Ndërkohë, po sipas Reuters, një burim policor tha se një gruaje i është prerë koka.

Politikania franceze Marine Le Pen gjithashtu foli për një prerje koke që kishte ndodhur në sulm.

Departamenti i Prokurorit Anti-Terrorizëm francez tha se iu kërkua të hetojë sulmin.

Gazetarët e Reuters në vendngjarje kanë thënë se policia e armatosur me armë automatike kishte vendosur një kordon sigurie rreth kishës, e cila është në rrugën Jean Medecin të Nice, rruga kryesore e blerjeve të qytetit.

Autoambulancat dhe automjetet e shërbimit zjarrfikës ishin gjithashtu në vendin e ngjarjes.

Sulmi vjen pak ditë pasi në Francë ndodhi prerja e kokës në fillim të këtij muaji e mësuesit francez të shkollës së mesme Samuel Paty në Paris nga një burrë me origjinë çeçene. /Telegrafi/

——————————

Pamje nga vendi ku u krye sulmi me thikë, pranë një kishe në Nice të Francës – dy të vdekur dhe disa të plagosur

Përderisa në fillim raportohej për një të vdekur, tanimë mediat e huaja shkruajnë se bëhet fjalë për dy viktima.

Bëhet fjalë për viktima të një sulmi me thikë në Nice të Francës, nga i cili, siç raportohet gjithashtu, kanë mbetur edhe disa të lënduar. /Telegrafi/

——————————

Sulm me thikë pranë një kishe në Nice të Francës, një i vdekur dhe disa të plagosur

Të paktën një person u vra dhe disa të tjerë u plagosën në një sulm me thikë të kryer pranë një kishe në zonën Notre-Dame të Nice, në orët e para të së enjtes në mëngjes.

Sipas mediave të huaja, përcjell Telegrafi, publikut iu kërkua të shmangte zonën ndërsa një operacion i madh sigurie ishte kryer nga policia e armatosur.

Je suis sur place avec la @PoliceNat06 et la @pmdenice qui a interpellé l’auteur de l’attaque. Je confirme que tout laisse supposer à un attentat terroriste au sein de la basilique Notre-Dame de #Nice06. pic.twitter.com/VmpDqRwzB1

— Christian Estrosi (@cestrosi) October 29, 2020

Kryebashkiaku i Nice, Christian Estrosi konfirmoi se autori i dyshuar i krimit është marrë në paraburgim dhe falënderoi policinë për reagimin e tyre të shpejtë.

8h50 grand déploiement des forces de l’ordre à #NotreDame à #Nice. Des coups de feu entendus. pic.twitter.com/SiuOhAeRG8

— Ivan Blanco (@ivanblancovilar) October 29, 2020

Motivi i sulmit mbetet i paqartë por kryebashkiaku Estrosi konfirmoi se, bazuar në provat e deritanishme, ishte një sulm terrorist.

[#EvenementGrave] Evénement très grave Eglise Notre Dame à Nice Respect le Périmètre de sécurité de @PoliceNationale N’empruntez pas secteur centre ville – Explosion déminage Police Nationale Ne paniquez pas – pic.twitter.com/PqJRyijsab

— Police Nationale 06 (@PoliceNat06) October 29, 2020

Ndërkohë, policia po kryen një shpërthim të kontrolluar në zonë dhe i ka kërkuar publikut të largohet ndërsa ekipet po vazhdojnë punën e tyre.

Sulmi vjen ndërsa Franca sapo ka përjetuar një sulm me prerje koke në fillim të këtij muaji të mësuesit francez të shkollës së mesme Samuel Paty nga një burrë me origjinë çeçene. /Telegrafi/