Studim i ri: Qelizat T japin shpresë për trajtimin e menjëhershëm të COVID-19

Shkencëtarët në Mbretërinë e Bashkuar do të fillojnë të testojnë një trajtim për të cilin shpresohet se mund të kundërshtojë efektet e COVID-19 tek pacientët me sëmundje më të rëndë

Është zbuluar se ata me sëmundje më të rëndë, kanë numër jashtëzakonisht të ulët të një qelize imune të quajtur qeliza T.

Qelizat T pastrojnë infeksionin nga trupi. Testi klinik do të vlerësojë nëse një ilaç i quajtur ‘interleukin 7’, i njohur për të rritur numrin e qelizave T, mund të ndihmojë në shërimin e pacientëve.

Ai përfshin shkencëtarë nga Instituti ‘Francis Crick’, ‘King’s College London’ dhe ‘Spitali Guy dhe St. Thomas’.

Ata kanë vëzhguar qelizat imune në gjakun e 60 pacientëve COVID-19 dhe gjetën një përplasje të dukshme në numrin e qelizave T.

Prof. Adrian Hayday nga ‘Instituti Crick’ tha se ishte një “surprizë e madhe” për të parë se çfarë po ndodhte me qelizat imune.

“Ato po përpiqen të na mbrojnë, por virusi duket se po bën diçka për të tërhequr infeksionin, sepse numri i tyre ka rënë në mënyrë dramatike.

Në një sasi gjaku prej 0.001ml, të rriturit normalë të shëndetshëm kanë midis 2,000 deri në 4,000 qeliza T, që quhen edhe limfocitet T.

Pacientët Covid që skuadra testoi kishin midis 200-1.200 qeliza T.

‘Jashtëzakonisht inkurajuese ’

Studiuesit thonë se këto gjetje hapin rrugën që të zhvillojnë një “test gjurmësh të gishtërinjve” për të kontrolluar nivelet e qelizave T në gjak, të cilat mund të japin indikacione të hershme se kush mund të zhvillojë sëmundje më të rënda.

Por, gjithashtu, siguron mundësinë që një trajtim specifik të ndalojë uljen e numrit të qelizave imune.

‘Interleukin 7’ është testuar tashmë në një grup të vogël pacientësh me sepsis dhe është vërtetuar se rrit në mënyrë të sigurt prodhimin e këtyre qelizave specifike. /CNN