Stilisti i flokëve të Victoria Beckham tregon pse kolagjeni është sekreti për flokët që keni ëndërruar

Ngjashëm me retinolin dhe acidin hialuronik, kolagjeni është një nga ato produktet e kujdesit të lëkurës që shohim të përmenden shumë – por është e drejtë të thuash që shumica e njerëzve nuk e kanë idenë se çfarë është saktësisht dhe cilat janë përfitimet e tij.

Pra, e para: çfarë saktësisht është kolagjeni?

“Kolagjeni është proteina më e bollshme (thelbësore për ndërtimin e muskujve) në trup. Është një proteinë e gjatë, fijore, strukturore (në dukje e ngjashme me litarin) që i jep lëkurës forcë dhe elasticitet”, thotë Alexis Granite, dermatolog në Mallucci London.

Shpesh përshkruhet si skela për lëkurën, ajo vepron si një trampolinë që siguron një strukturë bazë mbështetëse, duke na dhënë atë që ne kemi nevojë për një lëkurë të gjallë, me pamje të shëndetshme.

Ndërsa kemi mësuam më shumë në lidhje me përfitimet e kolagjenit në lëkurën tonë, një floktar i famshëm tani po lavdëron përfitimet e proteinave të fuqishme për flokët tanë.

Stilisti i famshëm i flokëve, Jason Collier, i cili punon me Victoria Beckham dhe Laura Whitmore, thotë se kolagjeni mund të jetë sekreti i flokëve të shëndetshëm pas karantinës.

Nëse karantina – dhe mungesa e takimeve për modelimin e flokëve – ju la me flokë të rralluar dhe është hera e parë që thinjat dolën, këshillat e mëposhtme mund të jenë të dobishme.

Këtu, Jason ndan dy arsye të arta pse kolagjeni është i rëndësishëm për flokët tuaja:

Kolagjeni mund të mbajë larg thinjat

Shumë njerëz kanë ngjyrosur flokët në shtëpi, kështu që ata jo vetëm që kërkojnë mënyra për të maskuar thinjat, por gjithashtu duan t’i mbajnë ato larg. Kolagjeni mund të veprojë si një antioksidant për të luftuar dëmtimin e qelizave, pasi studimet sugjerojnë dëmtimin e radikalëve të lirë në qelizat që prodhojnë ngjyrën e flokëve mund të jetë një nga arsyet për thinjat e hershme.

Kolagjeni mund të ndihmojë në rindërtimin e flokëve nga brenda

Karantina ka bërë që shumë klientë të vijnë të dëshpëruar, duke kërkuar një rimodelim dhe trajtim, kolagjeni është ai që do të ndërtojë flokët nga brenda dhe jashtë. Thënë thjesht, flokët përbëhen kryesisht nga proteina keratin. Trupi juaj përdor disa aminoacide për të ndërtuar keratinën, disa prej të cilave mund të gjenden në kolagjen, kështu që kjo mund të ndihmojë në mbajtjen e flokëve të shëndetshëm shumë kohë pas prerjes tuaj. /Telegrafi/