Sot për Ditën e Kinemasë në Cineplexx, filmi i Blerim Destanit dhe Noizy-it “Troubleshooters” vjen me çmim vetëm 3,20€

Në Cineplexx dita e martë shënon Ditën e Kinemasë, e cila është ditë e rezervuar për çmime më të ulëta të biletave.

Dita e martë është dita që kinemaja më e madhe në vend, Cineplexx, ka rezervuar për filmdashësit, duke ofruar çmime më të lira të biletave, duke filluar nga 3,20€ për filmat 2D, dhe 3,60€ për filmat 3D.

Me zbritje në të dy kinematë, në Prizren dhe Prishtinë, sot mund t’i shikoni 7 filma të ndryshëm, të cilët shfaqen në orare të ndryshme nga ora 15:00 deri në ora 22:30. 

Filmi kryesor që do të mund ta shikoni sot me çmim të zbritur bilete është padyshim super-komedia Troubleshooters. Ky film sot do të shfaqet në 5 orare të ndryshme në kinemanë në Prishtinë, dhe në 2 orar në kinemanë në Prizren.

Biletat e filmit mund të blihen fizkisht apo edhe online, përmes ueb faqes apo përmes aplikacionit Cineplexx KS, që mund të shkarkohet në të dy platformat – IOS dhe Android.

LUAN dhe AMIR – THE TROUBLESHOOTERS – janë dy shokë të ngushtë  nga Tirana, të dështuar por që ëndërrojnë të bëhen detektivët e parë privatë në Shqipëri. Puna e tyre e parë i çon ata direkt në zemrën e një misteri vrasjeje në një  resort me pesë yje në Durrës. Të fshehtë dhe të maskuar si dy të pasur, ata fillojnë hetimet – dhe kështu fillon kaosi.

Djemtë janë amatorë të vërtetë, por që përpiqen të hiqen si profesionistë. Pa asnjë përvojë, të dhënë apo plan, atyre u duhet të japin gjithçka për të zgjidhur çështjen! Nga bregdeti i bukur shqiptar, ata duhet t’i dëshmojnë botës se nga çfarë janë “gatuar”.

Por a kanë ata vërtet atë që duhet për t’u bërë heronj? A do të dashurohen, do të zgjidhin çështjen e tyre të parë dhe do t’i mundin të këqijtë, apo do të dështojnë keq?

Përveç Troubleshooters, në të dy kinematë po shfaqen super-filmat si Gladiator 2, Red One, Venom: The last dance, ndërsa nga filmat e animuar, Moana 2 dhe Wicked. Për të gjithë filmat që po shfaqen dhe oraret e shfaqjeve mund t’i gjeni në linkun KËTU.