Solskjaer mund të mbetet trajner i Unitedit edhe sezonin e ardhshëm

Ole Gunnar Solskjaer ka fituar tashmë besimin e lojtarëve të Manchester Unitedit.

E përditshmja britanike, Mirror shkruan se norvegjezi ka kontratë me klubin anglez deri në fund të sezonit, ndërsa kryesia e Unitedit është në proces e sipër të përzgjedhjes së një pasuesi.

Javë më parë pas rezultateve të dobëta, Djajtë e Kuq shkarkuan trajnerin e njohur portugez, Jose Mourinho.

Megjithëse trajneri i Tottenham Hotspur, Mauricio Pochettino mbetet zgjedhja e parë e bordit, lojtarët e gjigantit të Old Trafford do të ishin të lumtur që të vazhdonin me trajnerin aktual.

Ish-sulmuesi ka bërë “kërkesë” që të qëndroj në krye të ekipit përtej këtij sezoni pas pesë fitore të njëpasnjëshme në po aq ndeshje.

Lexo po ashtu Të gjitha lajmet rreth Unitedit

Stili i menaxhimit gjithëpërfshirës të Solskjaerit, në krahasim me qasjen e ndarë të paraardhësit Jose Mourinho, është përshëndetur nga skuadra e Unitedit, veçanërisht nga sulmuesit.

Strategu 45-vjeçar, i cili aktualisht është huazuar nga skuadra e Moldes, nuk ka bërë ndonjë sekret të suksesit, pore zëvendëskryetari ekzekutiv Ed Woodward thuhet të jetë jashtëzakonisht i impresionuar nga fillimi që ka bërë trajneri. /Telegrafi/