Solskjaer i frikësohet më së shumti Chelseat së Tuchelit

Trajneri i Manchester United, Ole Gunnar Solskjaer thuhet se e sheh Chelsean si sfiduesin e tyre më të madh për titullin e Ligës Premier këtë sezon.

Kjo është sipas The Sun, e cila thotë se Norvegjezi i konsideron lojtarët e Thomas Tuchel të jenë kaq të rrezikshëm për shkak të mbërritjes së fundit të ish-sulmuesit të United, Romelu Lukaku në Stamford Bridge.

Sidoqoftë, raportimi vazhdon duke sugjeruar që Solskjær beson se Djajtë e Kuq janë më të pajisurit për të garuar për titull këtë sezon dhe se lojtarët që posedon aktualisht janë më të mirë se ata që e fituan tripletën në vitin 1999.

Është e drejtë të thuhet se shumë pajtohen me shqetësimet e Solskjær për Chelsean. Blutë kanë shijuar një fillim të shkëlqyer të sezonit të ri, duke fituar Superkupën Evropiane para fillimit të sezonit të ligës dhe duke dëshmuar kredencialet e tyre me një pikë të admirueshme në Anfield.

Thënë kështu, Solskjær ka lënë jashtë skuadra si Manchester City ashtu edhe Liverpool. Ndërsa The Citizens kanë shtuar arsenalin e tyre ofensiv me 117 milionë euro për Jack Grealish, Liverpool është rikthyer në forcën e tij të plotë pas një sezoni me lëndime, ku ata ishin pa Virgil van Dijk për 9 muaj.

Sidoqoftë, strategu i Manchester United ka sigurisht të drejtë që ndihet i sigurt për shanset e skuadrës së tij këtë vit. Pas një vere të shtrenjtë, në të cilën klubi bleu Jadon Sanchon nga Borussia Dortmund dhe nënshkroi përsëri me Cristiano Ronaldon, pritjet janë të larta në Old Trafford, veçanërisht pas fillimit të pamposhtur të klubit në edicionin e ri.

Pavarësisht nga ky biznes emocionues, ka ende disa që dyshojnë në cilësitë e United, me yjet e mëparshëm Roy Keane dhe Gary Neville që besojnë se ka dobësi në skuadër që do t’i pengojë ata të marrin në duart e tyre trofeun e Ligës Premier, për herë të parë që nga viti 2013.

Megjithatë, trajnerët e klubeve të tjera që pritet të përfshihen në garën për titull e konsiderojnë Unitedin një kërcënim të vërtetë. /Telegrafi/