Sllaveski: Arsovska e ka radhën, transportuesit privat kërkojnë rritje të çmimit të shërbimeve

– Kryetari i Këshillit të Qytetit të Shkupit, Trajko Sllaveski, sonte në rrjetin social “X” kumtoi se transportuesit privat kërkon rritje të çmimit të shërbimeve përmes anëtarit në Këshill dhe se në lëvizje është kryetarja e Qytetit Danella Arsovska.

Ai ndau dokumente: Kërkesën për mendim me propozim rreth nismës nga neni i Qytetit të Shkupit për rritje të çmimit të shërbimit të transportuesve privat të angazhuar nga Ndërmarrja e qarkullimit publik – Shkup dhe Nismës për fillim të procedurës për rritje të çmimit nga anëtari i Këshillit të Qytetit të Shkupit, Goran Arsov.

“Arsovska është në radhë, transpoetuesit privat kërkojnë rritje të çmimit të shërbimeve përmes anëtarit në Këshillin e Qytetit të Shkupit”, qëndron në kumtesën e Sllaveskit, që e transmeton Qendra për komunikim e OBRM-PDUKM-së.

Paraprakisht sot transportuesit privat i çkyçën autobusët nga qarkullimi në shenjë revolte pasi që edhe në mbledhjen e sotme të Qytetit të Shkupit nuk u shqyrtua kërkesa e tyre për rritje të taksës për kilometër.

Sipas informatave, nisma e transportuesve privat i ishte parashtruar dje rreth orës 15:30 kryetarit të Këshillit të Qytetit të Shkupit, Trajko Sllaveski. Ai në mbledhjen e sotme informoi se nosma ishte parashtruar vonë në mënyrë që të përfshihej në mbledhje.

Nga Qyteti i Shkupit, ndërkaq reaguan se këshilltarët e OBRM-PDUKM-së refuzuan ta vendosin në rend dite pikën rreth kërkesës së transportuesve privat, me të cilën ata kërkojnë rritje të kompensimit për transport publik, e tëra me qëllim që të thellohet kriza dhe të rritet kaosi.