Situata e medaljeve pas ditës së katërt në Paris 2024: Ku qëndron Kosova në ranglistë

Ka përfunduar dita e katërt në Lojërat Olimpikë që po mbahen në Paris.

Nuk ishte një ditë e mirë për Kosovën, përkundër se kishim tre garues fantastik.

Nora Gjakova në xhudo dhe Donjeta Sadiku dhanë më të mirën nga vetja, por që nuk arritën të shkonin shumë larg.

Lexo po ashtu Pse sportistët olimpikë kafshojnë medaljet e tyre

Në anën tjetër, Akil Gjakova ishte shumë i pafat, pasi ishte në garë për medaljen e argjendtë së paku, por që u mposht.

Ai më pas garoi në repesazh për të bronztën, mirëpo aty u eliminua prej japonezit, Soichi Hashimoto.

Kështu, ekipi ynë që po merr pjesë në Lojërat Olimpike vazhdon të jetë me vetëm një medalje të argjendtë, të cilën e siguroi Distria Krasniqi më 28 korrik.

Por, kush po i prinë listës për më shumë medalje të fituara?

Lexo po ashtu Atletët që po triumfojnë në "Paris 2024" u dhurohet nga një kuti - por çfarë fshihet brenda në to

Japonia vazhdon të prijë edhe në ditën e katërt, pasi ka fituar gjashtë medalje të arta, dy të argjendta dhe katër të bronzta.

Pas tyre, me hapa të shpejtë është ngjitur Kina, që ka pesë të arta, tri të argjendta dhe dy të bronzta.

Por, ekipi që ka fituar më së shumti medalje në total janë Shtete e Bashkuara të Amerikës, me gjithsej 18 medalje: tri të arta, tetë të argjendta dhe shtatë të bronzta. /Telegrafi/