Si të gjeni pasionin me partnerin duke shfrytëzuar verën

Bëni me intimitetin tuaj një “udhëtim” zbulimi dhe një lojë dashurie, e cila do të jetë në gjendje të përmirësojë lumturinë tuaj në çift. Luftoni rutinën duke rinovuar jetën në çift falë fuqisë së stinës së verës, e cila stimulon dukshëm dëshirën erotike

Luftoni rutinën duke rinovuar jetën në çift falë fuqisë së stinës së verës, e cila stimulon dëshirën erotike, ju fton të zhvisheni dhe të shijoni magjinë e momentit.

Cili është gabimi më i madh i një marrëdhënieje të gjatë në çift?
Të menduarit për të ardhmen dhe shijimi i paktë i së tashmes. Ja se përse hapi i parë është të zhvisheni nga kuptimi i detyrës, të rigjeni kënaqësinë epidermike të lëkurës së lakuriqtë e të mësoheni të argëtoheni përsëri, duke e “ngacmuar” partnerin tuaj.

Kaloni një fundjavë në vetmi
A mund të rigjehet afërsia përmes një largimi të përkohshëm apo shumë të shkurtër mes partnerëve? Po, është e mundur, sepse formimi i një çifti kalon nëpërmjet aftësisë për të gjetur vetveten, për t’u frymëzuar në gjetjen e një hapësire, ku mund të kultivohen miqësitë së bashku me marrëdhënien e vetmisë. Ndaj, kalimi i një kohe pa partnerin do të rindezë dëshirën për t’u parë, për të ndarë atë çka keni jetuar dhe për të qenë sërish së bashku.

Lëkurë në lëkurë
Në verë, zhveshja nuk është aspak problem: hiqen rrobat dhe me ato edhe barrierat me tjetrin. Kontakti epidermik është një forcë e lashtë e lidhur direkt me dëshirën. Kujdesuni për trupin tuaj me vajra aromatikë dhe skrabe natyralë: do të ulë rezistencën tuaj, duke ju ndihmuar të largoni turpin dhe sikletin. Krijoni situata intimiteti me partnerin, ku mund të rigjeni kënaqësinë për të qëndruar lëkurë mbi lëkurë. Qëndrimi lakuriq është një faktor shumë i rëndësishëm për marrëdhënie seksuale të mira.

Eros në ujë
Lëvizjet e lehta dhe pa gravitet trupi të zhytur në ujë, japin menjëherë një ndjesi pushimi të madh. Shfrytëzoni pushimet në det ose një natë në pishinë, për të rigjetur shijen e pushimeve: duke qëndruar të përqafuar dhe shumë pranë njëri-tjetrit, pasioni do t’ju përfshijë patjetër.

Ftesë për dy
Sikur vetëm një herë të vetme, mos përfshini fëmijët në një plan tuajin: zgjidhni një moment të gjithin për vete, larg nga vendet e zakonshme dhe sjelljet e përditshme. Kur një çift jeton bashkë prej shumë kohësh, ekziston një dëshirë ekstreme për qetësi.

Gjeni hapësira relaksi ku mund të eksperimentoni emocionet të cilat ju kanë bashkuar kur jeni njohur, për të rinovuar magjinë. Është e rëndësishme të krijoni një distancë nga e përditshmja, e cila shpesh herë shkatërron dëshirën seksuale dhe rrit tendencën për bërjen e programeve për të ardhmen, duke mos jetuar padyshim të tashmen.

Mundohuni t’i bini në sy partnerit
Vini në lojë partnerin me momente të vogla të “këqija”. Bëni dush me portën e banjës hapur, ose kaloni nëpër kuzhinë lakuriq, teksa visheni. Po kështu vështrojeni thellë në sy kur ai bëhet gati për të dalë. Këto janë gjeste të thjeshta, të cilat mund të bëhen sjellje të afta për të aktivizuar dhe mbajtur të gjallë jetën erotike mes jush.

Kushtimi i vëmendjes së përditshme në marrëdhënien në çift, është një ushtrim dashurie, i cili aktivizon erosin, rrit intimitetin dhe ju shpëton nga mërzitjet. /Telegrafi/