Femra Bukuri dhe Kujdes Këshilla Estetike

Si të dukemi për natën e Vitit të Ri (Foto)

Para 6 vitesh

Shumica e njerëzve natën e Vitit të Ri e shohin si një bartje nga njëri në tjetrin vit, mirëpo natën e Vitit të Ri nuk e quajnë pa arsye edhe si nata më e çmendur e vitit, prandaj, le të jetë edhe stili juaj më ndryshe nga ai paraprak.

Gjëja më e mirë e Vitit të Ri është që gjithmonë e përjetojmë si ndonjë fillim të ri, andaj kurrë nuk hezitojmë t’i provojmë gjërat e reja. Megjithatë, nëse planifikoni ndonjë festë të posaçme, ndoshta do të dëshironi të provoni që më parë frizurën, në mënyrë që të mos ju ndodhin situata të pakëndshme, transmeton Telegrafi.

Bukuroshja romantike

Këshilla e stilistit: Flokun tërhiqeni si një lloj kurore me bishtalec dhe e forconi ashtu. Pjesën e parme e ekspozojeni pak me ndihmën e tharësit të flokut dhe gjithë stilin e flokut e forconi me llak flokësh.

Këshilla e grimerëve: Mbi qerpikë formoni një linjë të hollë me laps dhe theksoni këndet e syrit. Në vetë këndin shtoni qerpikë artificialë, në mënyrë që sytë tuaj të marrin formën e syve të maces, përderisa në pjesët e brendshme të syve vendosni një hije të bardhë. Vendosni mjaft maskarë, e në buzë një ngjyrë të shkëlqyeshme për buzë.

Fytyra në plan të parë

Këshilla e stilistit: Drejtoni flokun me tharës për të krijuar volum. Për një efekt shtesë, mund ta përdorni edhe sprej për shkëlqim sa më të madh të flokut.

Këshilla e grimerëve: Këndet e brendshme të syve dhe linjën nën sy i theksoni me hije vjollcë, ndërsa kapakët e syve me bronzues. Buzët i vizatoni me laps ngjyrë vjollcë, si dhe vendosni edhe shkëlqyes buzësh ngjyrë vjollcë.

Joshëse dhe e guximshme

Këshilla e stilistit: Thani flokun qime për qime dhe me ndihmën e tharësit dhe duarve t’i shpërndani pakëz. Flokët mund t’i ndani apo t’i forconi me një kapëse flokësh.

Këshilla e grimerëve: Kapakun e syve e vizatoni me hije të hirtë, ndërsa vetëm në mesin e syrit vendosni hije të bardhë sedefi. Në faqe shtoni pak bojëkuq vjollce koral, e në buzë të njëjtën ngjyrë, pra atë vjollcë. Kjo ngjyrë më së miri i shkon për shtati tenit të ndritshëm, krahas nuancës së artë të flokut.

Në stilin e Audrey Hepburn

Këshilla e stilistit: Ky është një stil i vështirë ta përgatisni në shtëpi, por mund ta provoni. Thajeni flokun të ketë më shumë volum dhe e lidhni të tërën pas ballukeve, të cilat do të mbesin të rrafshëta. Balluket ndani në dy anë. Floku duhet të jetë i rregulluar mirë e krejt në fund mund të vendosni llak apo sprej për shkëlqim.

Këshilla e grimerëve: Tek një grim i tillë, me rëndësi është teni. Pas kremit hidratues, vendosni pudër të lëngshme,e më pas pudër të terur, për t’i dhuruar fytyrës një dukje pa shkëlqim.

Mbretëresha e diskotekës

Këshilla e stilistit: Mblidhni flokun derisa është i lagësht dhe e thani. Kur të thahet krejt, në fund shtojani edhe preparatet për shkëlqim të flokut.

Këshilla e grimerëve: Nëse dëshironi një grim prej ezmereje, në kapakët e syve shtoni hije të kaltër me sedef. Detyrimisht vendosni qerpikë artificialë. Në buzë vendosni ngjyrë pa shkëlqim.

‘Rock’ diva

Këshilla e stilistit: Lidhni një bishtalec të lartë, e më pas ndajeni. Disa mbani të lidhura, disa le të bien në fytyrën tuaj, ngjashëm sikurse balluket. Më pas, flokun spërkateni me lak.

Këshilla e grimerëve: Në kapakët e syve vendosni hijen me ngjyrë të lëkurës, e më pas me tush të zi vizatojeni një vijë sa më afër linjës së qerpikëve. Vendosni maskara dhe bojëkuq bronzues, e në buzë shkëlqim pa ngjyrë. /Telegrafi/