Si ta ndihmoni fëmijën tuaj të përqendrohet më mirë

Lëreni të përqendrojë energjinë e tij në gjëra të rëndësishme

Fëmijët janë burim gjallërie, lozonjarë dhe kanë dëshirë të vazhdueshme për “aksion”.

Një ndër gabimet e mëdha të cilat mund t’i bëjmë janë që ne i pengojmë.

Ajo që është e nevojshme duhet ta orientojmë atë energji, më saktësisht, t’u ndihmojmë të mësojnë që të përqendrohen kur kjo gjë është e nevojshme, transmeton Telegrafi.

Në çfarë mënyrash mund ta ndihmojmë një fëmijë të përmirësojë përqendrimin?

1. Sigurojini atyre një mjedis të qetë

Zhurma dhe muzika e lartë ndërhyjnë në përqendrim, sepse shpërqendrojnë vëmendjen dhe krijojnë kaos në mendime, kokë madje edhe emocione. Në të kundërt, qetësia dhe paqja rrisin aftësinë e fëmijës për t’u fokusuar në një gjë të caktuar.

2. Largoni ekranet

Është vërtetuar se drita e kaltër e ekranit çrregullon vëmendjen dhe gjumin, si dhe zhvillimin e trurit dhe vetë shikimin. Pasojat e para të përdorimit të tepërt të ekranit mund të shihen në mungesën e vëmendjes, por kjo çon më tej në dëmtim të shikimit, qëndrim jo të duhur, dhimbje shpine dhe dhimbje qafe, madje edhe varësi.

3. Gjeni lojëra të përshtatshme

Kur ndalojmë ekranet, ka alternativa që do të plotësojnë kohën e lirë dhe do të jenë të dobishme në të njëjtën kohë. Ngjyrosja, enigmat, lojërat shoqërore, vizatimi dhe leximi janë vetëm disa nga aktivitetet që përmirësojnë përqendrimin. Gjeni atë që i përshtatet fëmijës tuaj, filloni lojën së bashku dhe shikoni zhvillimin e vëmendjes së tyre.

4. Gjumi

Gjumi i mirë luan një nga rolet më të rëndësishme për zhvillimin e trurit. Një tru i lodhur thjesht nuk ka kapacitetin e nevojshëm për vëmendje.

5. Aktiviteti fizik

Sporti kontribuon në zhvillimin e përgjithshëm psiko-fizik të fëmijës. Sikurse çdo trajner që është i përqendruar te përparimi, edhe fëmija do të mësojë t’i drejtojë zakonet dhe vëmendjen e tij drejt të mësuarit. Ai do të zhvillojë aftësinë për t’u fokusuar në një qëllim dhe ngadalë do të krijojë taktika që do ta çojnë atë drejt atij qëllimi. Në planin afatgjatë, kjo përmirëson përqendrimin e përgjithshëm.

6. Pushime të rregullta dhe detyra të shkurtra

E kombinuar me këtë, ne i mësojmë ata të bëjnë pushime të rregullta. Një pushim prej 5 deri në 10 minuta çdo 45 minuta duhet të jetë i mirë për një adoleshent. Fëmijët më të vegjël duhet të kenë pushime më të shpeshta, sepse shtrirja e vëmendjes së tyre është ende në zhvillim.

Kujtesa dhe përqendrimi janë çështje trajnimi, përsëritjeje dhe praktike. Një fëmijë që tani ka problem me vëmendjen, me këto teknika dhe zakone, mund të përmirësojë shumë shpejt përqendrimin. Bëjeni një lojë për ta, mos krijoni presion pasi mund të rezultojë në kundërthënie. /Telegrafi/