Si sot, para 30 vjetëve filloi rënia e kriminelit Sllobodan Millosheviq – demonstratat e organizuar nga ai, kthehen kundër tij

Sot, 30 vjet më parë, më 9 mars 1991, një rebelim kundër regjimit të Sllobodan Millosheviqit filloi në Beograd dhe autoritetet dërguan tanke në rrugë.

Disa javë para protestave të mëdha, televizioni shtetëror i Serbisë akuzoi partinë më të madhe opozitare Serbe, Lëvizjen Rinovuese Serbe të Vuk Drashkoviqit se punon kundër interesave të Serbisë.

SPO kërkoi dorëheqjen e njerëzve kryesorë të televizionit serb. Kjo nuk ndodhi dhe Millosheviqi vetë nuk pranoi të fliste me udhëheqësit e opozitës. Drashkoviq më pas caktoi një mbledhje qendrore në qendër të Beogradit me 9 mars dhe ftoi qytetarët të vijnë në një numër të madh.

Kërkesa kryesore e protestuesve ishte largimi i drejtorit të atëhershëm të RTS-ës, si dhe katër redaktorëve. Por protestat shpejt u bënë një rebelim kundër të gjithë qeverisë.

Tashmë në mëngjes, mijëra qytetarë mbushën rrugët qendrore të Beogradit. Policia bllokoi hyrjen në Sheshin e Republikës. Rreth mesditës, turma arriti të thyejë kordonët e policisë dhe të pushtojë Sheshin.

Drashkoviq dhe udhëheqës të tjerë të opozitës iu drejtuan audiencës nga ballkoni i ndërtesës së Teatrit Kombëtar. Qytetarët brohorisnin “Bandë e Kuqe” dhe “Sllobo, Sadame”.

Millosheviq më pas urdhëroi policinë të shtypte protestën. Policia përdori shkopinj, gaz lotsjellës dhe topa uji, si dhe kalorësi. /Telegrafi/