Si në filma, policët amerikanë dhe dy persona të armatosur shtien mbi njëri-tjetrin – humbin jetën katër zyrtarë dhe katër tjerë plagosen

Një qytetar në Charlotte të SHBA-së ka filmuar momentin kur policia amerikane dhe dy sulmues shtien mbi njëri-tjetrit, ku si pasojë mbetën të vrarë katër policë dhe katër tjerë u plagosën.

Pamjet e shpërndara drejtpërdrejtë nga Saing Chhoeun në Facebook, shfaq dy policë të armatosur me armë të gjata duke qëndruar prapa një veture, derisa vazhdimisht shtinin mbi të dyshuarit, transmeton Telegrafi.

Policët vazhdimisht u kërkonin banorëve të qëndrojnë brenda shtëpisë, por njëri prej tyre u thotë se nuk po mund të futet brenda pasi nuk i ka çelësat.

Të shtënat kanë ndodhur kur katër policë ishin në kërkim të Terry Clark Hughes, i cili ishte në listën e të kërkuarave për posedim të kundërligjshëm të armëve të zjarrit, dhe që u vra në këto të shtëna.

Samuel “Sam” Polche, William “Alden” Elliot, dhe Joshua Eyer mbetën të vrarë. Polche dhe Elliot ishin policë në Karolinën e Veriut. E një polic tjetër që ishte pjesë e Marshallëve amerikanë nuk është identifikuar. /Telegrafi/