Si mund t’ju ndihmojë gjumi në humbjen e peshës

Kaloritë janë ato që e mbajnë trupin tuaj të funksionojë, por ngrënia e tepërt mund të shkaktojë shtim në peshë.

Një mënyrë për të djegur kalori është duke ushtruar, por a e dini se trupi juaj djeg kalori ndërsa jeni duke pushuar dhe duke fjetur?

Sipas Këshillit të Gjumit, një gjumë i mirë është i domosdoshëm për të mbajtur larg kilet e tepërta nga beli, shkruan Express.co.uk.

Kjo është e vërtetë për dy arsye – e para që keni më shumë energji, kështu forconi vullnetin tuaj për të ngrënë më mirë dhe për të lëvizur më shumë. E dyta është sepse trupi është ende duke punuar ndërsa jeni duke pushuar dhe ju në të vërtetë digjni kalori ndërsa flini.

Faqja shpjegon: “Thjesht gjumi i mirë mund të ndihmojë në djegien e kalorive shtesë”.

Gjumi është i nevojshëm për trupin tuaj për të riparuar qelizat dhe indet dhe për të rivendosur funksionin në sistemin tonë imunitar dhe trurit. Ndërsa trupat tanë e bëjnë këtë, ne gjithashtu po djegim shumë kalori. Një numër faktorësh përcaktojnë sa kalori djeg një natë, përfshirë peshën, gjatësinë dhe sa kohë fle.

Atëherë, si mund të flini më shumë dhe më mirë?

Dr. Ian Braithwaite bashkëthemelues i Habitual tha: “Pavarësisht nëse jeni duke u përpjekur në mënyrë aktive për të humbur peshë ose jo, mund të jetë e dobishme të filloni të mbani një ditar të gjumit për të parë nëse mund të identifikoni ndonjë trend që lidh sjelljet tuaja të ngrënies me cilësinë e gjumit. Ndërsa ndonjëherë nuk mund të bëni asgjë për një natë të shkurtër gjumi, kjo mund të ndihmojë të jeni të vetëdijshëm për ndikimin që do të ketë në nivelet tuaja të urisë dhe aftësinë për të kontrolluar impulset tuaja në lidhje me ushqimin”.

“E kuptoj që mund të jetë e pamundur të kesh më shumë se tetë orë gjumë të shkëlqyeshëm çdo natë, veçanërisht me streset e punës, familjes dhe gjithçkaje tjetër që konsumon jetën tonë. Sidoqoftë, shpresojmë të keni mësuar për rëndësinë e gjumit për shëndetin tuaj (dhe ndikimin që mund të ketë në udhëtimin tuaj të humbjes së peshës), kështu ju do të filloni ta shihni gjumin si një mjet për krijimin e një jetese më të shëndetshme”, përfundon ai. /Telegrafi/